كوكآ يعلن الأستقلاليه

[without heart]

تحيه طيب للجميع واتمنى تكونو بخير وعافيه

كوكا الان ثالث يوم له عندي طبعا لعبته دلعته بالاكل حتى يوم بنام اخليه عند راسي ومايطلع نفس كأنو يحس ومعطيني الصالحيه الكامله للعب معه وهذا كله يدل على انه عرفني اني صاحبه .

المشكله رقم 1: يوم اجلس واحطه عندي طبعا بالقفص يجلس يزعق صرت اتخذ اجراء معه
كتالي كل مايصرخ اقوله اول مره لاتصرخ بنظره وصوت حازم شوي ثاني مره يكررها ادخله الغرفه واغطيه
واجلس اكرر هالشي معه يمكن 5 مرات ورى بعض حسيت 20 بالميه تجاوب لو استمر معه كذا تعتقدون راح انجح ؟!

المشكله رقم 2: مو راضي يتقبل اصدقائي 2 ساكنين معي بالشقه والي يقرب له ينفش ريشه ويضرب بمنقاره على صوبه بالقفص مو حاب يكون متعاون معهم ابدن امس ولد خالي جاي عندنا واقوله الف مره لاتظهر خوفك له تراه ذكي يضحك يحسبني غبي واتفلسف عليه النتيجه انه حشر ولد عمي بالمطبخ لمدة ربع ساعه مو قادر يطلع ! كوكا بالصاله عندي كل مافتح ولد عمي الباب شوي مد رقبته يوم يشوفه يطلع يزعق ويركض عليه وهذاك يسكر الباب طبعا الموقف مضحك لدرجه قويه بس المزعج انه ارتقى القفص وقام يلوح برقبته بطريقه غريبه مع زعقات مزعجه جدا واليوم كرر نفس الحركه داخل القفص مادري وش المقصود منها

المشكله رقم 3: عضني عضه خفيفه اليوم وهو بالقفص بس اني انزعجت منه نظرته وقلت له تعضني ودخلته الغرفه وسكرت عليه .

ياليت تفيدوني بتصرفي معه هو يحبني بصراحه وبدى يتعلق فيني لدرجة يوم اطلع برى الشقه يزعق ويحس اني بعدت عنه وانا احبه اكثر ومابيه يفسر تأديبي له كره ويبدا ينفر مني .