بغبغائي منحرف أنحراف كلي والحل ؟؟؟

[عاشق المتاتيت]

السلام عليكم

بقولكم قصتي من البداية مع بغبغائي الدرة المجنون ...

بس الله الرحمن الرحيم

ماشاء الله ( لايغركم المظهر والشكل والجمال ترى المظاهر خداعة )






في يوم من الايام قبل 3 اشهر مريت سوق الطيور وشفت فروخ درة لونها ازرق انتاج محلي نظافة ولون وريش مرتب وجمال لايوصف ..صحيح أن السعر كان غالي شوي بس مو مشكلة كلشي ولا يهون عشان الدرة .. شريتها ... كان عمرها 3 أشهر كانت حركية ونشيطة وكل تحاول تشرد من ايدي مع أنها كانت غر ... المهم غريته سبعة ايام .. وخلاص قام يرفض السيراليك وياكل تفاح ... طيب حطيت له حبوب وأنفطم بروحة ( صراحة كان أسرع فرخ أغره وينفطم عندي ) ... طيب الطير حبوب بدا يركب على اليد ومايعص .. ووناسة ... مر شهر بدت عدوانيتة مع أني كل يوم أطلعة وألعب معاه بس صار يحاول ومن احاول امسح على راسة يتهجم علي ويحاول يعضني ... لكنه يركب على اليد ومايعض اذا اخلي ايدي قدام منقارة بس اذا حاول امسح عليه وانا ابغي امسكة وامسح عليه ... والى اليوم مو راضي عنده عقدة ان الواحد يمسح على راسة !!



بالبداية عبالي شي طبيعي بالدرة .. لكن لما شفت درة صاحبي الخضرة الباكستانية ... بعمر متوتي .. ياسلام صحيح انها مريضة وريشها يطيح .. لكن يمسح عليها مثل حمامة ولاتعض ولا شي ... فاكتشفت ان متوتي لديها حالة :

الأنحراف الكلي )


ممكن علاج حق هذي حالة وأخلي الدره حقتي مثل دره صاحبي ؟؟

وهل في أمل أنها تتكلم؟؟ لأنها للحين جالسة تصافر ومتى تتكلم للعلم أنها عمرها 6 اشهر بس