My tom Here ! ابي اتاكد من أشياء :$

[ريوم]

السلام عليكم ورحمة الله وبركاته ,
قبل 3 ايام شريت قطة , هاف بيكي .. ذكر .. لونه مشمشي ..
عمره شهر و نص ..
المهمـ انو شريت له قفص .. وصحن للاكل .. و شريت له الاكل رويال كانن للكيتين .
والليتر شريت لينق يان .. وعجبني تكتله وكذا ,,
بس عندي كذا استفسار ,
اولا بخصوص الأكل :
1\ سمعت من بعض الناس يقولون لـآ تعطينه بس الدراي فود , يقولون حطي معاه زي جبن مثلثات بيض مسلوق دجاج شوي مسلوق بدون عظم وزي كذا !
بس انا مدري وش اعطيه , مره سويت له بيضة وقطعتها صغار واكلها , وكل شئ ياكل بس انا خايفة يجيه شئ , ف انصحوني هل بس اعطيه دراي فود أو كيف ؟
2\ كم وجبة اعطيه باليوم ؟ انا احط له بالصحن كثير واخليه متى مايبي بس سمعت انهم يقولون خطأ كذا , انا اخاف انه يبي مره اكل ويصير ماعنده ويجوع ؟ ومقدار كم اعطيه مثلا ؟
يعني زي مغرفه لكل مره ؟ او ملعقتين كبار ؟ ( الدراي فود )
3\ هو الحمدلله تعود على الليتر بوكس وكذا , له 3 ايام تمام , بس اخر مره راح ورا الباب و سواها : ( ؟ ماسواها بالليتر بوكس ليه ؟ مع اني انظفه بعد كل مره يسويها .. ماعمر ترابه صار وسسسخ ابببد
4\ ودي اروششه , بس بعضهم يقولون خليه اسبوع بعدين روشيه وبعضهم يقولون لسا صغير يمكن يمرض وكذا .. انا اعرف كيف شفت كذا مقطع وشفت صديقتي تروش قطوتها وكل شئ
بس اخاف يمرض لانو صغير ولا كذا ولا عادي اروشه ؟ وكل كم اروشه ؟
5\ انا لما انام او لما اروح السكولز احطه بالقفص .. او اخليه بالغرفة عادي يلعب بس بالغرفة اسكر عليه الغرفة يعني .. واخاف انو يجيه شئ ويمل وكذا مع اني شريت له العاب وكذا : \
بس مقدر اخليه لانو اخاف يطيح من الدرابزين فيه فتحات اخاف يطيح لتحت : (
شلون اخليه يبعد عنهم ؟ دايم يدخل راسه بعدين اشيله وابعده : |

وادري اني نشبه شوي واستفساراتي غبيه حبتين
واخر شئ
هذي صورته : شرايكم فيه ؟





ناظرو حول عيونه في لون كذا : ( مدري هل هو كذا ولا مريض < ~ مشكلة الموسوس ,,
وبعدين اول اذانه عاديه مافي شئ بس من داخل شوي في اسسسود .. ! شئ طبيعي ولا مريض ؟