استفسارات عن الكاسكو

[NEMESI-S]

السلام عليكم


شباب طيري قاص ريشه قبل 6 شهور لحد الحين مانبتله شي

أنا قرية موضوع قبل يومين عن الريش عرفت حاجتين

الأولى الطير بما أنه مقصوص ريشه لازم يطيح الريش عشان يطلعله غيره . ماكنت أدري أن ريش الطير مو شجره يطلعله مر ثانيه بنفس المكان المقصوص

السؤال كيف احرض طيري يتخلص من الريش المقصوص ؟

نقطه أخره أنا ظاقة بي الأنفس 6 شهور وانا أربي بهال طير ولا يبين فعينه الخيانه باينه بعيونه صحيح له مواقف سنعه وتونس بس ماكل منه سحبات للراس. ولا بعد ما يتكلم . يا شيخ الفشور الي عندي بالغرفه رئف على حالي يقوال انا اسولف معك بس هد اعصابك .

ولي مخليني مطرطع زود نحاسته الزايده كل مره أجيب طير جديد يتحرش فيه مايخليه براحه .

الزبده اني قررة اصرف الكاسكو وشتري غيره

لقيت كاسكو عند صديق لي يتاجر بالطيور جامبو فرخ عمره 6 شهور قال بيعطيني اياه 2000 ريال

أخذه ولا أدور واحد اصغر منه .

لأني سمعة ناس يقولون عندهم طيور عمره 6 شهور قد علموها كلمات فما أدري أدور شي صغير مره عشان أضمن أنه بيتعلم الكلام بسرعه ولا ما تفرق
لأني ماكل مقلب مع الي معي عمره 5 سنين وثقيل طينه شوف هذاهو قاعد على كتفي ومعطيني اشكل وكلمن اكلمه يعض نظارتي ولا يسرقه مني