لحقوا عليّ ما ني عارف للدره الخضرا

[حسين بن عاقول]

سلام عليكم بالربع ويا الربعات
الظاهر إني توهقت مع ببغاء الدره ، سلمكم الله عندي مثل تعرفون 2 دره خضرا والبنات عندي سموهم (هبه - مها) والحقيقه تعبت ما فيه أمل تتروض . حدي أمسكهم بالمنشفه هاتك عض وصراخ ، ياناس من 20 رمضان وهي عندي وما فيه أمل ، الكاسكو حسين الله يرحمه حده عدى عليه اسبوع ونطق . وهذولي كأنهم يقولوا بدري عليك تفهمنا.والله حاله ، علموني طريقه اروضهم فيها - هبه ما عليها تحاول تتقرب من البنات عندي بس مها طاقها خوف ورعب مو طبيعي ، فصلت كل وحده بقفص ما كو فايده ، جمعتهم بقفص ماكو فايده ، علقتهم باقفاصهم ما كو فايده ، ثبرتهم في الأرض ماكو فايده ، عطيتهم تفاح أخضر ياكلونه وما كو فايده ، حطيت فيتامين في الماء يشربون وما كو فايده ، حدهم يشوفون المنشفه تجيهم أم الركب الواحده منهم تمشي وتطيح .
يا ناس شسوي فيهم ، هبه ما عليها من عيالي تاكل من إيديهم بس مها تبعد عنهم كأنها تقول وخروا عني ما أبي لكم أكل وما ودي بمعرفتكم . خبلوني وجابولي الصمرقع ، والصمرقع أيها الأخوه نوع من أنواع الصداع والذي يأتيك بمزاجك ومن غير مزاجك وذلك عند محاولة ترويض الدره .علموني طريقه أخترق عالم هالثنتين اللي عندي . شاكرا كلم تجاوبكم من صميم اعماق فؤادي ومن داخل خلجات صدري . ابو هبه - ابو حسين سابقا.