اشتريت بغبغاء رمادي ابا استفسر

[losy129]

اشتريت بغبغاء رمادي عمره تقريبا 8 شهور وخواف

بسجدا جدا اليف ومايعض بس انو يخاف متى يتعود على البيت وكدا

وكمان انا عندي قط وخايفه ع البغبغاء انو ازا هجم على القفص او شي زي كدا ايش يسير

كمان ممكن انو ازا شاف القط او خاف من حاجه يسير شرس ؟

ايش ممكن اديه اكل غير الحب الشمسي

وامم اخر حاجه ازا سميتو يعرف اسمو وكدا

واي نصايح تانيه انصحوني كيف اعتني بيه وكدا لانو مااعرف شي عنهم

[كاسـ jeddah ـكـو]

الطير كم له عندك ؟

اذا الطير توه جديد عليكم وعلى قولك اليف نصيحه حطيه في مكان واحد لاتغيريه عليه ويفضل يكون المكان في مدخل البيت عشان الناس تجي وتروح من حوله ويتعود عليهم

الطيور الوليفه بالعاده تحتاج يومين الى اسبوع عشان تتعود عالمكان وبعدها بتشوفين ازعاجها بالتصفير وغيره ..

اما موضوع القطط اختي اغلب الطيور تخاف منها .. اذكر كان عندي ببغاء رمادي وكنت امشي فيه بالحوش وفجأه عدا قط من جنبه والطير من الخوف نقز وطاح طيحه اليمه .. فالافضل تخليه جوا القفص وتجيبي القط ببعيد عنه شوي حتى يتعود عليها وبعد كذا بيصير الوضع عادي بس لاتفجعه من البدايه عشان لاياخذ موقف منها

ولاتعتمدي عالحب الشمسي كثير .. نوعيلو بالاكل تفاح ذره خس او اي خضروات مفيده تكون موجوده

ممكن الطير مايتقبل الاكل بالبدايه لانه ماتعود عليها بس ارميله هيا في صحنه وهو بيبدا يعضعض فيها ويستطعمها

وبالنسبه للعنايه في مواضيع كثيره بالمنتدى تقدري تتطلعي عليها وكمان الايام هذي برد حاولي الجو يكون عليه معتدل وابعديه عن المكيف بالايام هذي .. وبالتوفيق

[محب الببغاوات 2014]

السلام عليكم
يتعود الطير على المكان اعطيه حق اسبوع يتعرف على محيطه
وبعدين خرجه من القفص وخلك قريب منه يتعود على وجودك بعدين حاول تلمسه وتلعب معه
واعطيه الاكل اللي يحبه بس لاتحطه في قفصه خلي الاكل اللي يحبه ياكله من يدك بس
وموضوع البسة مدري عن الولافة مع بعض بس سمعت انه براز القط اكرمكم الله فيه مواد سامة للببغاء
يعني يالبسة يالببغاء واحد منهم