رد: توي شاري قطه وكم سؤال
مبروك اول شي ثاني ياليت تنزل صوره القطه عشان نعرف نحدد العمر بأذن الله
وبعدين نجاوب بس ع العموم اذا القطه اقل من عمر شهرين ماينفع لازم تكمل
رضاعه من الام يعني لو هيه اكبر من شهرين بتكون محتاجه خمس وجبات باليوم
لما عمر اربع شهور وبعطيك جدول مختصر مثلا باليوم اعطيها فطور زبادي قليل الدسم
ولاتجمع حليب مع جبن مع زبادي ونتبه كل الي بتعطيها من منتجات الألبان لازم يكون
قليل الدسم لان لو جمعت الاشياء هذي وفوق هذا كامل الدسم راح يجيها اسهال
المهم تفطرها زي ماقلت مثلا زبادي وشوي دراي فود مخصص للكتنز او بيض مسلوق
او سريلاك بس لاتكثر لان فيه سكر والسكر مضر للقطط وابعد بعد تام عن اي نوع من الاكل
فيه بهارات او ملح او بصل او ثوم
تقدر تقدم لها ع الغداء دجاج مسلوق بدون عظم وجلد مع مرقه شوي وتفتت لها الدجاج عشان
تقدر تاكله القطه وتقدم مع الدجاج خضار مثل بطاطس كوسه فاصوليا ذره يعني انت والي موجود
مع مثلا قطعه من الجبن او اخلط مع الوجبه جبن تقدر مثلا ع العشاء تعطيها مكرونه مسلوقه بمويه بس مع شريحه سمك او تونه بدون زيت ولاتكثر تونه او سمك لانه يسبب اسهال للقطه
ويسبب تساقط الشعر يعني مره بالاسبوع تمام
والسمك يامسلوق او مشوي او بالفرن براحتك وبين الوجبات هذي تقدر تعطيها بطاطس مسلوق
او شريحه من اللحم بس لاتكثر لحم لانه ثقيل ومايكون فيه شحم او دهن بشكل عام
الرز المصري كوويس ويمتن القطوه والله هذا الي بالي حاليا
طريقه الترويش اذا مثل ماقالت القطه عمرها فوق الشهرين الافضل تروشها بشهر مره
وتسوي لها كل اسبوع دراي كلين شور جاف وتشتري من محل حيونات بودر ه معطره خااصه
بالقطط والكلاب ترش البودره على ظهر وبطن القطه وتفكرها بشويش عشان تدخل البودره داخل
الشعر وامشط شعرها كل يوم
وطريقه الترويش هيه تكون المويه وسط لاتغلي ولا ثلج وتروشها بشامبو جونسن بدون بلسم او نونو بدون بلسم او جيب لها شامبو مخصص للقطط
اول شي لا تفتح المويه قدامها لانها راح تخاف من الصوت وتهرب او تمشخك او تعضك
جهز المويه بحوض كبير او طشت ويكون فيه كاس كبير شوي وابد اول بتهديه القطه وامسح على راسها وظهرها وبعدين ابدابالكاس تكب المويه على ظهرها تدريجيا ونتبه لاتدخل المويه داخل الاذن
او تكب مباشره ع الوجه لا منظهر شوي شوي ع رجول واليدين والبطن وحط شامبو ع ظهر وافركه وكذا لما تنظف القطوه وتكون مجهز الاستشوار وتكون حررارته مايله للبروده شوي
وستشور شعرها اول شغل المكيف ع الحار وسكر الغرفه وخليها وراح تنشف نفسها هيه
ونظف اذنها بزيت جونسن وقطن مو تعصر الزيت بأذنها لا بالقطنه وبعدين نظف الاذن
ونشاءلله اكون ساعدتك اسفه ع الأطاله بس حبيت اختصر كل شي برد ...
__________________
اليوم اخر يوم لي بالمنتدى اعتذر عن استمراري فيه اتمنى من كل شخص لو غلطت
عليه يسامحني واذكروني بالخير
مو هاين علي اترك المنتدى بس
خلااااص شي مولازم نحكي
فيه واتمنى من اعضاء الاداره
اقلها يخلون توقعيي ومايحذفونه
تحياتي اختكم genan
|