● ْ[ طرق تأديب القطط ] ْ●

[آنـــــو]

السلام عليكم ..

.
.
.
.


كيفكم يالغالين ؟؟ أن شاءالله بخير


طبعاً الكل عارف القطط وشقاوتهم وعنادهم وفضولهم من الصعود على طاولة الطعام ،،تسلق الستائر،،
خربشة الأثاث،،العض والخدش عند اللعب أو عدوانيه منهم



وهنا دائم تجي التساؤلات ،، كيف أمنع قطي من الفعل الخاطئ ؟؟


"أولآً" قاعده مهمه جداً جداً بتأديب القطط (كما يسميه البعض) هي الأمتناع عن الضرب بتاتاً لأنه ماعمره كان وسيله للردع
أو منع القط آن يعمل شي غلط ،، بالعكس دايم العقاب الجسدي يخلق مشكله من مشكله وماعمره كان حل ..
آما يخلق قط عدائي ويزيد الوضع سوء أو ويزعزع ثقته بنفسه وبصاحبه ..
ومستحيل لو أنضرب القط راح يفهم السبب أو أذا حرمناه من العابه أو أكله أو حبسناه لبضع ساعات مثل ماينصح البعض للأسف

نجي للوسائل المتاحه

الطريقه الأولى بالتأديب :





رفع أصبع أو أصبعين فوق مستوى الأنف بين العينين ولازم تكون الأصابع
أرفع من مستوى النظر حتى يفهم أنك أنت الأقوى والمهيمن ودفعه للتراجع مع المحافظه على المسافه بين الأصابع وبينه ..
مع قول كلمة (لاااااا) بصوت مرتفع وبنبره غليظه وصارمه ..

هالطريقه دايم أستخدمها وكل قططي فاهمينها حتى صرت أكتفي بكلمة لا من بعيد ويفهمون ..

ملاحظه: الصراخ والتعصيب الشديد ماينفع نكتفي بنبره شوي عاليه وصارمه ..



الطريقه الثانيه :


رش الماي ،، وكثير ينصحون فيها من خبراء وأطباء وتجيب نتائج ملحوظه .. لكن بالنسبه لصغار القطط الكتينز تعتبر عقوبه قاسيه

لكن في حال القط مايخاف من الماي أو عاند أكثر ومافهم نقدر نستعمل عصير الليمون بدل الماي
أو نخلط العصير معه لتخفيفه .. لأن القطط تكره ،، ونتجنب رش العين أو الأذن ..

طريقه ثانيه للرش وهي : نبلل الأيد ونرشه بالماي عن طريق ضم الأصابع وفرجها ،، ونترك الأصابع مفتوحه على حالها
وتكون عينك بعينه لثواني .. هو راح يفهم هالأشاره البصريه أنك معصب ويبتعد ..




الطريقه الثالثه :



قارورة بلاستيكيه أو علبه معدنيه ،، نضيف فيها عدد من الأحجار الصغيره أو خرز أو شي يصدر صوت ،،
ولو فعل الغلط نرجها بحيث تطلع صوت قوي ونتوقف للحظات ونعمل أتصال بالعين مع القط ،،
حتى تبين أنك أنت المهيمن والأقوى وهالفعل ممنوع ..

وممكن نسوي عدد من العلب ونوزعها في أماكن مختلفه في البيت حتى نقدر نوصلها بسهوله

،
،

ملاحظه: الحذر من رج القاروره قريب من أذن القطه لأن القطط حساسه جداً آتجاه الأصوات وكذا ممكن نسبب بألمها وأذيتها ..



الطريقة الرابعه :



التصفيق .. للتحذيره بأن الفعل الفلاني مرفرض ولازم أن يتوقف حالاً ..




الطريقه الخامسه :

التجاهل .. وهذي كثير تجيب نتيجه حلوه ودائم أسويها للكيتنز ومالها أي نتائج عكسيه ،، تأدب القطط وتكسبهم طبع الهدوء
وهي : لو القط بدا باللعب بخشونه وعنف نوقف اللعب على طول عنه ونتجاهله بكل الطرق بالكلام وبالنظر ..

"في حال" القط مافهم المغزى وأستمر بالأذيه الجسديه نكور له ورقه ونرميها له بحيث يلتهي ويلعب لحاله ..




الطريقه السادسه :



الهسهسه ،، وهي أن نمسك جلد الرقبه من الخلف بشويش مثل ما القطه الأم تسوي لما تحمل أطفالها
بالضبط ثم نصدر صوت الهسهسه وهي نغمة تصدرها القطط للتحذير ،، أو حتى ينفع نقول بنبره غليظه (لا) ..

ملاحظه : الأبتعاد قدر الأمكان عن الأستفزاز واللعب العنيف بالأيدي أو غيره..







أضافه :



البعض يعاني من مهاجمة قططهم لهم كـ الأختباء وأخذ وضعية الهجوم والأنقضاض على الأيدي والأرجل كـ فريسه وهدف متحرك
لذا ينصح بوضع طوق بجرس حول الرقبه حتى يكشف صوت الجرس مكانها وبدل ماهي تنقض وتهاجمك
تبداء أنت بالهجوم أولاً والمباغته بالهسهسه أو رش الماي .. هذي الحركه بتأدب القط ويتوب يهاجم ..

.
.
.

"وبالنهايه"

أعتمااد أسلوب المكافئه لما القط يسمع الكلام ويسوي شي صح
مكافئات الـ(Treats)






أو الثناء بالكلمات والتمسيد ..



،
،
،

وتوفير الالعاب لتسليتهم ولتفريغ الطاقه فيها وممارسة غريزتهم سواء بالتسلق أو بالصيد





وحتى أشياء بسيطه نقدر نسويها بالبيت وتسليهم ويحبونها أكثر من أي شي
مثل الأكياس ،، رول المناديل (ورق التواليت) ،، ورق تغليف الهدايا ،، كور من الورق ..




وأن شاءالله يكون الموضوع عجبكم .. ولكم خالص ودي

[sisi_moon]

حلووو حلووو يا آنـو

تسلمين خيتو عالموضوع المفيييد لكثير من المربين

يضاف للمواضيع المميزة ..

وتستاهلين خـتم التميــز ^^

[oOKittyOo]

موضوع اكثر من رائع وتستاهلين ختم التميز ...

من جد المعلومات مفيدهـ ..

جزاكي الله جنة الفردوس ...

[ثويمر]

موضوع روعه من جد
معلومات مفيده وطرق سهله وفعاله جدا وغير مضره
توضيح سهل جدا وواضح

بالنهايه موضوع متكامل ورائع من جد

الله يعطيك العافيه على المجهود المميز
عجبني من جد
شكرا لك

[رعوود]

ست الكل آنو

اخيرا قررتي تبدعي ^.^

ما شاء الله عليك

موشوع روعه وجميل ومفيد للكل

وعفكرة يالاعضاء ترا لسا مخبيه الكثير

اضغطو عليها وتعطيكم

كثر الدق يفك اللحام

نياهاهاهاهااااااااااااااااااااااي

تحياتي الحارة لك

تقبلي مروري

[*(الدلوعه)*]

مآآآرهـ حلوو الموضووع

يعطيكـ ألف ألف عآآآآفيهـ ^_^

لآآآ هنتي .

[h.m]

مشكورة هالموضوع نفعني كثير

[C u t e]

واييييد روعه الوضوع
واستفدت منه ..
طبعاً وايد القطط يسون حركات تنررفز صاحبه ههههه
وانشالله يتثبت الموضوع بصراحه والله يستااهل التثبيـت !

[أم صوفي]

موضوع جممميل ومفييد ماااره

مشكوووره خيتووو

يعطيك ربي العافيه

[طروقو]

ثانكس على الموضوع الخطير

بصراحه يستحق التثبيت