اشترك في نشرتنا البريدية ليصلك كل جديد

TOP-GUY · 29-05-2006, 09:53 PM

السلام عليكم..

أعود إليكم كما -وعدت سابقاً- منتهياً من مشروعي الصغير واللي هو (بناء بيت أفضل من القفص) للببغاوات باجتهادي دون شراء أي قفص أو أي نوع من البيوت الجاهزة, بالعربي ماكنت أبي أصرف فلوس. بس الحمد الله انتهيت منه (وصرفت فلوس أكثر من اللي كنت أتوقع.. لوووووووول

بداية الفكرة كانت عندما شريت طيري الكاسيكو -ميسون- وعمرها شهر ونص, حيث فكرت ان القفص في عمرها ذاك أبداً لن يكون مناسب, إنما كانت في كرتون متوسط الحجم مفروش بنشارة الخشب فقط.

مع الأيام كبرت والكرتون ما عاد يناسبها, رميت الكرتون وصارت مفلوتة في البيت رايحة جاية (وما قلنا شيء), بعدين صارت تطير, وبعدين صارت تطير, وبعدين صارت تطير ............................................طفشتنا وبصراحة زفتتها معانا وخلت البيت زريبة دجاج والله.

قصيت ريشها وبعدها فكرت انه لازم يكون لها بيت بس مو قفص!!!!!!! لأنها أليفة جداً والقفص كان يوحي لي أحيانا لمن اشوف طير فيه, انه متوحش ومجرم مسجون...
قلت لا, ليش ما أبني

(أو أصمم) لها بيت يكون على الأقل قريب من بيئتها الاصلية كالشجر والأغصان وموية تجري, وأصوات طيور وحيوانات ألوان وأشكال, وووووخيالات لا تنتهي...

- لقيت زاوية مناسبة بالبيت بحيث تطل على الرايح والجاي وملاصقة لباب الشقة..

- حطيت الستاير (وهي اللي تستخدم في المراوش والحمامات - يعني ضد الماء-).

- مشكلة: مفتاح لمبة كان بالمنطقة اللي باحط فيها الستارة بس سويت ثقب بسيط بالستارة وركبته على الفيش ثم الغطى فوقه, فيه أسلاك طالعة من الفيش ركبتها عشان تثبت الشبك...لأني مابي أخرم شي بالجدر....

_ حطينا الشبوك وثبتناها بأسلاك حتى تمسك بعض. ثم بدينا بالتزيين بوضع أوراق شجر صناعية من فوق لتحت. (ويجيكم خبرها شوي)....

- أحلى شي أشوف إني سويته هو الصندوق الخشبي البيج هذا... طول في عرض والضلع الثالث منحنى. وكان لابد انه يكون منحنى عشان الممر وجمب الصندوق باب, وغير كذا ان شكله المنحني أحلى وأفضل....بعدين ما كان فيه أي مشكلة في تركيب أي عصا بالعرض, سواءا صغيرة أو كبيرة.

ما أعجبتني العصا رحت أدور على شجرة ميتة أو يابسة, قصيت الساق والأغصان والعيدان الزايدة وركبتها على الصندوق - بعد ما فرشته بالنشارة -, وثبته على الشبوك.
بالنسبة للأوراق الصناعية صراحة تحطمت, لأن ميسون ما تخلي ورقة إلا ولعنت والديها, وانا ما غير كل ما طاحت ورقة قمت ثبتها بأي شي وبالآخر تركتها مثل ماهي تقطع اللي تقطع وتخلي إللي تخلي....

صار بعد كذا أقدر أحط أو أعلق أي شي أبيه.... وسلامتكم
---------------------
التكاليف:
1- ستاير بـ 28*2= 56 ريال
2- شبوك الحبة 35 * 3= 105 ريال (مستعملة طبعا)
3- أوراق شجر بـ 40 ريال
4- الصندوق الخشبي مفصل عند النجار بـ 230 ريال
5- أكّالات (حقت الأكل) بـ 8 ريال
6- عصا بريال
7- مواصير حاملة الستاير بـ 23 * 2= 46 ريال
8- ألعاب ببلاش لووووووووووول
المجموع----------------------------------->>>>>>>>> 486 ولمن نقربها إلى أقرب مية تطلع 500 ريال سعودي وطبعا هذا والله غير التعب
-----------------------------------------

(نتقبل انتقاداتكم وآرأكم بكل صدر رحب)

مــراح · 29-05-2006, 10:02 PM

وااااااااااااااااااااااااااااااااااااااااااااااااو

ما شاء الله عليكم اخوي توب

فكرررررة ممتاازة

وتصميم ولا اروع منه

اعطيه 10 من 10

تحياتي لك

PINK COCKATOO · 29-05-2006, 10:12 PM

ماشاء الله وشـكراً عاـى التصميم الرائـع

TOP-GUY · 29-05-2006, 10:05 PM

شكرا مراحفيه غرف فاضية, مع وجبة افطار صباحي, ترين الفندق كبير ويشيل عدد كبير لا تشيلين هم, أحجز لك؟! لووووول

!PLuS! · 29-05-2006, 11:02 PM

صراحه شغل نظيف ومتعوب عليه.....ما شاء الله تبارك الله

الله يهني ميسون بك.....ويهنيك بها....والصراحه تستاهل بما انك تهتم بطيورك لهالدرجه

خربوس1 · 29-05-2006, 11:32 PM

ماشااااء الله والله ابداااع وسويت شي جميل

ولكن كيف عملية التنطيف ؟ والريش مااايزعجك اخوي

جريحة الحياة · 30-05-2006, 12:08 AM

وعليكم السلالالالام

هلالالا وغلالالالا
(* TOP-GUY *),,

مشاء الله عليك روعه التصميم .. تسلم ايدك ..
ويعطيك الف عافيه على مجهودك الحلو ...

كلمة روعه قليل على البيت ...

عندي 3 ملاحظات:

أولاً: سبق اني قلتها لك لاتحط زرع صناعي
وميسون بتتلفه وتبلعه وخطر عليها .

وثانياً: ان يكون المكان دافي .

وثالثاً: الصندوق الخشبي الأفضل ان يكون قاعدته متحركه ,, عشان تقدر تنفظه باستمرار أو تغيره بدل التعب بالتنظيف .

(( المبلغ الي صرفته اظن انه مايغلى على الحبيبه ميسون ,,, هي تستاهل اكثر واكثر .. صح ! ))

أنتظر الجديد

وسلالالامتك
اسفه طولت عليك وااااااااااااااايد

تحياتي لك بالتوفيق ..