دلوع وبعض الحركات الي تعلمها

[قاهر الايام]

السلام عليكم ورحمة الله

اليوم حبيت اعرض لكن طيري الكاسكو دلوع كرد للجميل على ما قدمتموه لي في هذا المنتدى من مساعدات وارشادات ومشورات

المهم يمكن بعض الاخوان يختلط عليهم الاسم شوي لان اول ما خذيت الطير عرضته وكنت اخترته له اسم ميمو لكن نظرا لكثر دلع الطير ما شاء الله عليه غيرته الى دلوع وشكله حب اسم دلوع اكثر

راح اعرض لكم بطاقته التعريفيه في الاول

النوع : كاسكو افريقي انتاج مزارع وعلى حسب كلام العامل في المحل انه انتاج مزارع افريقيا

الاسم : كما ذكرنا دلوع

العمر : قدروه الاخوان من 5 الى 7 شهور والعلم عند الله

الولافه: 100 %
الكلام للحين ما تكلم لكن ما شاء الله عليه يحاول ينطق لكن للحين ما نطق ويخربط بعض الاحيان

الفتره اللي قضاها عندي تقريبا 3 اسابيع

المهم هذي البطاقه التعريفيه له تقريبا

نجي للصور

امانه ياخوان اذكرو الله


بسم الله ماشاء الله

المسكين كان متملل لاني منشغل عنه شوي



وهني يراقبني شنو اسوي



نجي للحركات اللي تعلمها في هالفتره

هي تقريبا ثلاث حركات حلوةة

امانه ياخوان اذكرو الله


بسم الله ماشاء الله ولا اله الا الله

اول حركة تعلمها انه يطلع من القفص اذا امرته بالخروج

بسم الله ماشاء الله

http://youtu.be/gwXkIWbQ-Hk

ثاني حركة تعلمها يجيني طيران اذا اناديه واقول له تعال

بسم الله ماشاء الله

http://youtu.be/uqGHYXGHdoQ

ثالث حركه انه ينسدح لما اقول له نام يتقنها افضل من التصوير لكن في التصوير ما ادري ليش ما سواها صح

بسم الله ماشاء الله

http://youtu.be/yQETnRHKgKg

وطبعا هذا كله بفضل الله ثم بفضلكم وبفضل المنتدى

فشكرا الى كل من قدم لي المساعده والنصصح والارشاد

وان شاء الله دلوع ينال رضاكم

وان شاء الله في الايام القادمه اعرض لكم افضل من هذا

وتقبلو تحياتي

واي ملاحظه انا في انتظارها

[سا=الكاسكو=مي]

ماشاء الله الله يخليه لك

[Mr.3zo]

مآشآء آلله لا آله آلآ آلله

الله يخليه لك ويوفقك وياه ويوفقه وياك

[قاهر الايام]

مشكورين اخواني والله يوفق الجميع ان شاء الله في طيورهم

[ابوحسون]

ماشا الله تبارك الله والله يعمي الحسود الله يعطبك خيرة ويكفيك شره

[قاهر الايام]

مشكور يا ابو حسون عالدعاء والله يسمع منك ان شاء الله ويحفظه ويحفظ طيور الجميع ان شاء الله

[abo-m7md]

ما شاء الله إبداع xابداع

لكن سؤال بسيط لو تذكر طريقة تعليمه كل حركة

علشان تعم الفائدة للمبتدئين مثلي (:

[قاهر الايام]

مشكور اخوي يا ابو محمد عالمرور والاطراء
والحركات اخوي موجوده في المنتدى وتراها سهله

بالنسبه لتعويده على الخروج من القفص هذي ما تعبت فيها كثير لان الطير يحب يطلع بره القفص فانا استغليت حبه للخروج وقمت كل ما ابي اطلعه افتح له الباب واخليه يطلع بروحه واقول له تعال اطلع ويجي ويطلع ولما يطلع ابين له اني مرتاح من اللي سواح واعطيه مكافئه من يدي واقول له شاطر وامسح عليه مثل ما هو مبين في الفيديو

اما طريقة الطيران هذي تعتمد على حب الطير لك في المقام الاول

وانا اتبعت هالطريقه واليك اياها

طبعا تشوف نوع من الطعام اللي يفضله

وحطيته في راحة يدي وطلعته عالقفص وعطيته حبه وحده من اللي في يدي طبعا الطير اللحين شاف وذاق اللي في يدك وصار يدر ان في يدك شي يحبه اتباعد عنه مسافه ولا تكون بعيده وناده باسمه وقول له اي كلمه انت تبيه ينفذ هالامر لما يسمعها واذا جه على يدك كرر اسلوب المكافئه والندح والتدليع شوي لكن المكافئه لا تكون كثيره مثلا حبه وحده ورد عيد الكره وكررها عليه لين يحفظها وبعدين بيصير يجيك من يسمع الكلمه وطبعا هني لازم يكون الطير يجي عالايد في البدايه يعني اليف

اما حركة الانبطاح في البدايه توقفه على يدك وتمسك اصابعه وتحط يدك على ظهره طبعا لازم الطير يكون يتقبل انك تمسح عليه وتحط ايدك على ظهره

المهم تح ايدك على ظهره وتقلبه بحيث يصير كأنه نايم على يدك وانت ماسك اصابعه طبعا واذا شفته رخى جسمه على طول عدله وعطه مكافأه طبعا هني بعد تكرر له كلمه مثلا انا استخدمت له كلمة نام اللحين عرف ان نام تعني انه ينسدح

المهم وتكررها لين ما يحفظها واذا شفته تعلم انه ينسدح لما ايدك تكون على ظهره حاول معاه بعدين بدون ما تكون يدك على ظهره مثل ما ظاهر في الفيدي واسخدم له مثل الكلمه والاسلوب

ملاحظه اخوي لا تطول فترة التدريب عشان لا يمل الطير ولا تخلي وقت ويه الطير كله تدريب يعني دربه فتره واقعد العب وياه فتره ثانيه


لا تخلط له تدريبين في نفس الوقت يعني ابدي وياه تدريب اذا حسيته اتقنه وحفظه انتقل للثاني لان يمكن يتلخبط الطير وما يتقن التدريبين

اتمنى اني افدتك وبالتوفيق ان شاء الله وعقبال ما نشوف الفيديوات اللي تسر الخاطر لطيرك

[BLACK KOKO]

ماشا الله تبارك الله والله يحفظه لك

انتبه عليه وحطه في عيونك

[قاهر الايام]

مشكور اخوي بلاك كوكو عالمرور والله يحفظ طيور الجميع ان شاء الله

وما توصي حريص اخوي اكيد في عيوني هذا دلوع الدلوع لبي قلبه