أوعدك ما انساك يالغالي

[شاقي هواها]

السلام عليكم ورحمة الله وبركاته

اشتريت بغبغاء من 3 شهور من سوق الميناء في ابوظبي
لكن طار عني اليوم وماتتخيلون الدموع والبكا والصياح الي صحته والمناحة الي سويتها واعرف انه المدة قصيرة لكن والله نفسيتي تعبانه عالاخر وماوقفت الدموع من غلاته ولأني كنت دايم الدوم وياه وماتوقعته يطير مع اني قصيت الجناح لكن شكله طول وما انتبهت
ودورت عليه في كل مكان في المنطقة مب معقولة طار هالبعد لكن ماعرف وين راح
والله اني اكتب هالموضوع وانا ادمع واعرف معظمكم يقول الا هو طير ولا في غيره لكن ها كان وايد عزيز وغالي على قلبي وايد فوق ماتتصورون واعرف انه يمكن 10% او اقل انه يرجع لأني ماكنت معودتنه يطلع من البيت او احطه برا البيت وايد .. وطبعا منو يحصل افريقي وماياخده ..
عالعموم كتبت اشتركت في هالمنتدى وكتبت هالموضوع بس من غلاته ومن كثر ما اشتقتله واتمنى تدعون يرجعلي واحصله .. طار مني في منطقة الخالدية .. ووايد ناس قالولي فدوة لي وعسى الله يعوضني لكن البداية صعب انسى لأني اتذكر مكان القفص وصوته في البيت ويوم أحس بضيق او ملل اروح اقعد عنده ..
" عسى ان قلبك عند ناسن يراعونه ياطيري"
والسموحة طولت واشكر كل من خد من وقته وقرأ موضوعي .. فداعة الله

[IMG][/IMG]

[IMG][/IMG]

[IMG][/IMG]

[IMG][/IMG]

[IMG][/IMG]

أوعدك ما انساك يا الغالي

[كاسكو الشامسي]

انشالله يردلج طيرج سالم

[EVO46]

الله يعينج انا حاس فيج والله يعوضج بكاسكو احسن عنه

[أبو شنب]

ان شاء الله تقومين الصبح تلقينه يطق الشباك
متمسكينه وتسلمين عليه
(متأثر )
يارب تستجيب دعائي

[شاقي هواها]

الله يسمع دعاءكم يارب ويستجيبه ..

وكل الشكر للي مر على موضوعي ..

[مجنون فلته]

السلام عليكم

الطير صغير وجميل

الله يعوضك خيرا

[ابو محمــد]

والله حاس بشعورك وبالاخص اليوم لكن الحمد لله رجع وكان خايف وانا متأكد ان الكاسكو ما راح بعيد وان شاء الله اللي يلقاه يرجع لك او يذكره عند احد والحلال ما يضيع.

[عاشق الكاسيكو111]

يارب يرجعلك سالم ومعافا بأجمل التصافير وشكرا

[Badri]

الله يصبرك و يعوضك بأحسن منه

[شاهيـن]

انشالله يرجع والله حزنتيني