الملف الشخصي لكل قطو في حارتنا

[قهوه مره]

لكل حاره قطاوه ولكل قطو شخصيه مختلفه عن شخصية اي قطو ثاني
تلاقونها تالف بعض البيوت وتبعد عن بيوت وتالف اشخاص معينين في الحاره
لانهم اما يعطونها اكل او انها ما شافت منهم اي ازعاج .
طبعا من كثر ما يشوفونها الي في الحاره يحفظون اشكالها
الحلو في قطاوة حارتنا انهم ما ياكلون الطيور
راح تقولون لي ايش دراك عنهم ؟
اكثر جيرانا يربون حمام وبط وعصافير
و البط دايم في الحوش ولا يحطونه في شبك ولا شي وللحين عايشين و ما شاء الله متان و يهبلون
والحمام يمشون جنبهم القطاوه ولا يشردون >>>>>>>>>>> قطاوة شايفه خير
المهم ان لكل قطو اسم
نبداء بـ
سلفستر: اخو خبله الي دايم تولد في الحوش عندنا عيونه خضر ولونه ابيض و اسود و شعره ينقال له طويل بالنسبه لقطاوة الشارع واخته زيه بس عيونها عاديه و شعرها مو زيه
هذا مستقعد لفلفوله لين صارة تطلع علشانه بعدين حرمته من السمك والحليب والحركات الزينه صار ما يقرب منها ما اعرف وين يسكن؟


شريخان: هذا قطو اشقر بس اعور لاعب في قطاوة الحاره لعب ما يتجرء يقرب لفلفوله يسكم غي الحديقه الي في حارتنا

كتكوت: ولد خبله هذا قطو اشقر بس مو اعور و طول شعره زي سلفستر خجوووووووول و رومانسي مررررررررررره يسكن في المسجد الي في حارتنا لاكنه يجي بيتنا يترزق

ازيرق: ولد خبله هذا قطو ختي الصغيره هي الي اعتنت فيه كانه قطو بنك اشقر وعيونه زرقه امه شمخته على وحده من عيونه وهو نونو كان عمره 3 شهور يوم نجيب فلفوله الي كان عمرها 4شهور كانت اختي تدخله البيت في الصيف عن الحر وكانت تسبحه و تاكله وتبوسه وتلملم فيه لين صار فيها الربو بعدين تركته حس باهمالها ف غار من فلفوله و قال يا انا يا فلفوله في هالبيت وطبعا فلفوله ما طلعت فجئه اختفى القطو و انقطعت اخباره ورجع من فتره قريبه شكله كان احد ياكله ويعتني فيه لانه متعودعلى الناس يمسكونه زي قطاوة البيت و يعرف يتدلع او انه ايح له على زباله محترمه واختي الصغيره منهبله عليه كانه ولدها بس امي ما سمحت لها تدخله البيت و رجع اختفى


خبله: طبعا هي القطوه الوحيده الي معتمدين عليها قطاوة الحاره في التكاثر ولا كل بناتها شردو من الحاره


حوسه: ام خبله و هي اول قطوه تدخل حارتنا كان لونها ابيض و اشقر و اسود او بني كانت قطوه محترمه ام بمعنى الكلمه كانت معتنيه بعيالها عدل عندها عزة نفس لما نحط لها الاكل ما كانت تاكله كانت تحوس في الزبايل وتجيب لعيالها والي نجطه لها كانت تاخذه وتبعده عن عيالها
طبعا كانو عيالها
سلفستر-خبله- وسخ >>>كان خشمه دايم وسخ وعيونه فيها غمص -واحد يشبها بس مات قبل لا نسميه
و طلعة من حارتنا ولا رجعت

وكان في وحده غيرها ما شفناها ولدت 6 وكل يوم ينقصون الين اختي الصغيره لقت واحد بحاله صغييييييييييييييييير شالته ودخلته البيت و رجعته مكانه ولا جات امه واخذته سمته اختي بوبي >>>>>احسه اسم كلب للحين مو مقتنعه بالاسم
وعاش عندنا 6او7 شهور بعدين صار يقدر يشقح السور وراح ولا رجع ولا عاد شفناه في الحاره

وهذي نبذه عن قطاوة حارتنا و انشاء الله اذا قدرت اصورهم راح انزل صورهم

[مياومياو]

ههههههههههههههههههههههههههههه
وين حارتكم هذي
<<<<بيسكن عندكم

[قهوه مره]

ما عندكم قطاوه في حارتكم؟؟؟

[فطوم]

لوووووووووول يحليلهم الله يخليييههم لكم

[Big Boss]

لووووووووووووووووووول
عجيبه سوالفج يا قهوه مره و انا قاعد اشرب قهوه مره و اتصفح موضوعك بصراحه شرقت من الضحك
والله يخليك عطينا اخبار قطط حارتكم اول با اول ناطرين الحلقه الثانيه

[قطو_Q8te]

لوووووووووووووووووووووووول ....
قهوه ننطر الصور
وانا انشالله برد ثاني اجهز حق قطاوة جدام بيتنا
بس على فكره الالوان الي مستخدمتهم وايد فسفورييين مومبينين عدل

[قهوه مره]

فطوم :
تصدقين ما اعرف كيف للحين عايشين
اخوي الصغير مره اخذ الفليت و رشه على واحد منهم
و يقول له يلاااااااا روح اذبح الصراصير يا بطل.
فاتني المشهد ما كنت في البيت .

Big Boss:
اهم شي للحين عايش ؟
ترانا ما نبي نفقدك نبيك معانا
سولفت لكم عنهم كثير في هذا الموضوع
راح انزل صورهم لما تكتمل عندي
انطرها

قطو_Q8te:
انشاء الله اقدر اصورهم كلهم
و ننطر موضوعك
ما احب الون الكلام بس قلت خليني اغيرجو و استلحج بالالوان
وقمت احط من الالوان الموجوده
اهم شي للحين تشوف ؟
ترانا ما نقدر على غيبتك

[فطوم]

لوووووووووول اخوج دمه خفييفف لوووووووووووووووووووووووووووووووووول

[myssaa]

بجد فين حارتكم دي قطط جميلة اوي
اما احنا معانين من قطط الحاره بالذات عمتيييييي بياكلوا الحمام والارانب بتوعها يا عيني

[ثعبان]

موضوع حلو مره

وقطط مميزه في الحقيقة

لله يعطيك العافية