الرجاء الدخول معلومات واسئله عن قطتي

[كلير]

السلام عليكم

كيفكم ان شاء الله تمام

اشتريت بسه صغيرونه بس بما اني جديده بهذا المجال <<<راحت فيها البسه

حبيت اسئلكم كم سؤال عنها لاني حتى نوعها ماعرفه ><"

عجبني شكلها واغرمت فيها ويالله ادفع حتى ماسلت البياع عن التطعيم وصحتها

معلومات عنه :

1- ذكر
2- عمره شهرين
3- الاسم كلير <<<امي سمته
4- شقاوي جدا جدا
5- مايحب يجلس بالغرفه او ينام لحاله يشاركني بالسرير

وانا ماااحب احد ينام جنبي بالسرير ><"
6- حبوب جدا كل اللي في البيت معطيه وجه ويدلعه

هذي هيه صورته
http://www9.0zz0.com/2012/02/03/05/635160343.jpg



يدنن صح

هذي اسئلتي (الله يعينكم علي ):
1- ابغى اعرف نوعه واتاكد من عمره الرجال اللي باعني هو قالي شهرين
2- الاكل اللي ينفع لعمره ولنوعه
3- ينفع ياخذله دش بهذا العمر <<<لان ريحته مهي تمام
4- كيف اخليه يتعود على فراشه وينام عليه لاني طفشت منه >< على مخدتي ينام وجنب وجهي ويلعب كرتيه جنبي
5- كيف اخليه يحبني ويسمع كلامي ويجي عندي لاني تعبت وانا اجري وراه مايجي ابدا عندي
6-ابغى اعرف افضل عقاب له نمن يسوي شي غلط غير الصراخ لاني احس اني اتكلم مع جدر


ومااحب الصراخ ولا المويه لاني احسها قويه عليه بالبرد وهوه لسع صغير ماابغاه يكرهني ولا الضرب ضربته مره وحده وقعد ساعه كامله بعيد عني بس ايش اسوي خربشلي وجهي
7- كيف اخليه مايخربشني ولا يعضني نمن العب معاه
8- ابغى اعرف الامراض اللي ممكن تصيبه وطريقه علاجه
9-ابغى اعرف اشياء اساسيه احتاجها لهذا الكائن الصغير علشان يكون سعيد
10-عادي يعيش ببغاء المكاو الاحمر مع القط في احتمال يصيروا اصحاب لان في حرب وقعت بينهم اليوم وامس ><
11-لعبه خشن مره يندس تحت الكنب ويجيني على غفله يتشعبط على رجلي او يعنقلني ><"
كذا مره كنت راح اطيح فوقه بسببه
12- نمن اخرج من الغرفه واقفل عليه الباب بس خمسه دقايق يقعد يصرخ <<<فضحني
13-ابغى معلومات عن التطعيم متى ابداء اطعمه وكل كم شهر ؟
14- ابغى اسئل عن التراب حقه كم مره نغيره ولازم نغير التراب ولا بس نشيل الفضلات
15-هل يلزمه فيتامينات بهذا العمر ؟
16-ابغى اعرف طريقه تنظيف اذنه لاني خايفه اعوره
وكمان صار يحك بقوه ويطلع شي اسود ><"
17 - ابغى اعرف طبيب بيطري ممتاز بالمدينه المنوره وابغى اعرف محل يبيع مستلزمات القطط
واكل القطط ولا عادي احصل اكل القطط في بنده واخواتها ؟؟
18-مايحب يجلس بالغرفه لحاله ابغى طريقه تخليه يجلس بدون مايصرخ ><
19-ابغى اعرف افضل الالعاب له وكيف العبه لانه قل الادب وخشن العب معاه اما يطنشني او يخربشني ><
20-كيف اعرف انه يسمع لاني اناديه اخبط بكل شي مايعطيني وجه
21 -ايش الاشياء اللي اذا سويتها يكرهني
بس هذي تقريبا الاشياء اللي جات على بالي وابغى اعرفها لاني دورت في النت مالقيت اجوبه للاسئله اللي ابغاها

اهم شي ابغى اعرف عادي يعيش الببغاء مع القط ؟ مافي احد يتعشى على الثاني
وابغى اعرف طريقه تدريبه
واسفه اني كثرت عليكم بس لاني جديده واخاف اسوي اشياء غلط في حق هذا المخلوق الجميل

[كلير]

صح ابغى اسئل كمان عن افضل انواع الرمل

بانتظاركم ق1

[الفراشة الزرقاء]

ياقلبي عليه مرا يجنن الله يخليه لك ويحميه..

انا صراحه مو مرا اعرف في انواع القطط بس انتي ابحثي عن انواع القطط ممكن تلقين ما يفيدك

بس عمرها شهرين صح لانه لسى صغير وبالنسبه للاكل اشتري له الاكل الجاهز

اللي يتباع في السوبرماركت والحليب كمان وتقدري تاخذي له دش

انتبهي من المويا لا يجي على وجهه كثير بس اقولك راح يعذبككك في الدش

روشيه في الاسبوع مرا لانو ميمتي تطفشتي لما اروشها :S

واذا تبغيه يحبك ويسمع كلامك العبي معاه لان القطط يحبوا شي اسمو لعب

انا قطتي عمرها 6 شهور وتحب تلعب بشكل جنوني ..

ومن الالعاب اللي تحبها الليزر احطو لها قدمها تمسكو واحركو لها تجري وراه

واذا ما احد لعب معاها تلعب مع نفسها تجلس تجري وتنقز

اذا شافت احد يجري تجري وراه واذا شافت شي يتحرك تمسكو

و ساعات اخواني يلعبوا معاها سباق من بداية الصاله لنهايتها وماشاء الله عليها ما تطفش

جيبيلو كورة صغيره اللي لما تضربينها في الارض تنقز وكورة الصوف والليزر

واذا تبغينه يجيك لما تنادينه مثلا ..

وقت الاكل رددي عليه بكلمه يعرف وقتها انو انتي تناديه تبغين منو شي

لازم بالتكرار مرا على مرا عشان يتعود عليك وحتى لما تلعبيه

بس راح تطول المده لين ما يتعود عليك ممكن سبعه شهور على الاقل ماعليكي الا انك تصبري

ووقت النوم وديه على المكان اللي تبغينو ينام فيه واذا جاكي رجعيه واذا رجع مرا ثانيه رجعيه

اجلسي وراه عشان يعرف انه هذا المكان انتي تبغينو يجلس فيه

والضرب يخليه متوحش وعدواني انا عقابي مع ميمي

احسبها في قفصها بس اضربها على راسها ضربه خفيفه او اسحب اذنها

ودخلها في فقصها عشان تعرف انو اللي سوتو غلط

مستلمزمات القطط شوفيه على هذا لرابط

http://www.2zoo.com/vb/showthread.php?t=177772


واذا على ببغاء والله صراحه ما اعرف امكن الاعضاء الثانيين يفيدونك ان شاء الله

هههههه واذا على انه يندس ويجيك فجاه شبعت من هذي الحركات عادي تعودي على هذي

الحركات اللعبي معاه لا تخلينو لحالو لانو لساعو صغير واكيد بيجلس يصارخ ..

وباقي الاسئله ان شاء الله الاعضاء ردوا عليها لاني انا ماني من المدينه

وان شاء الله اكون افدتك في المعلومات

[كلير]

يعطيكي العافيه ياقلبي ماقصرتي

بس لعبه مررررره خشن ماابغاه يخربشني حتى لو لعب ><

عنده لعبه بس ماادري فين ضيعها ><

الله يخلي لك بسبوستكي ^^ ويحميها

[Octopus]

و المهم ابدا في الاجابة عن الاسئلة


بالنسبة ل النوع شيرازي مون فيس

و عمرها شهرين او شهر ونصف

بالنسبة لدش ما انصح به لان بعده صغير و يكمن الماء يسبب له الامراض ك الزكام و غيره و حاليا انشفيه بفوطة مبللة

بالنسبة ل الاكل فيه معلبات ك دري فرود و رويال كانون و اشتريه مال الكيتن و ينفع تعطيه الاكل البيت

و بالنسبة ل الببغاء يفضل ان تضعيه في مكان امن او تخلينه في قفص قرب منه

المهم باقي الاسئلة اجابتها في فهرس القسم

و اتمنا لكي و لقطكي كلير اقامة جيد في منتدنا اقصد تستفدين و تتعلمين معنا


و تحملي عليه لان بعده صغير