وفاء توتي لبسبس

[توهقنا]

بسم الله الرحمن الرحيم

السلام عليكم

طاب صباحكم/مسائكم

كيفكم .. كل عام وانتم بخير ..

كان عندي قطين بسبس كبير وتوتي كيتن

ماكنت اخليهم مع بعض من خوفي على توتي لنه كان بسبس طالب تزاوج ومزاجه عكر شوي ومايتحمل لعب توتي عليه

وبعدين شريت له قفص كبير وحطيته بوسط البيت

وصار توتي متى ماجاء على باله يلعب يقوم ينطط على هالقفص ويتخبى ويطلع يفاجئه .. وبسبس كان بنفس الحركات معه .. لكن ماخليهم يتقابلون وجه لوجه

طبعا لبسبس وقت محدد يطلع فيه بالبيت ويتمشى ويطلع الحوش بجولات ميدانيه خخخ

وقتها توتي ينجن يصير يتفلت من يديني يبي يروح لبسبس غصب

وتجرات يوم وتركتهم مع بعض ماوقفو لعب عض واحضان وتكفخ

لحد ماصارو مايقدرون يتنفسون من التعب

بعدها بكم يوم بسبس تعب وماكمل اسبوع ومات

من بعدها توتي فقده كثييييير

صار يروح مكان القفص وينوي وبعدين نساه وسلى .. وبعد سبوعين جت اختي بتنادي توتي غلطت وقالت بسبس انجن توتي صار يدور تحت الكنبات ويناظر مكانه ويدخل الصندوق ويطلع وهو يدور عليه قطع قلبي وقته


طبعا منعت اسم بسبس انه يتكرر .. حتى اذا بنسولف عن بسبس وتوتي معنا نقول الكبير كان يسوي كذا ..الخ مانقول اسمه

وبعد مرور ثلاث اشهر على موته

اليوم قاعده اشوف مقاطع فديو انا مصورتها لتوتي وبسبس وكان اخوي بالمقطع ينادي على توتي جاء نط توتي وجلس يناظر معي وكان متحمس بالمقطع

وبعد ماخلص المقطع نط على الكمبيوتر وصار يشمه ونزل وراح قبال المكان الي كان فيه القفص وجلس ساكت ويطالع فيه وقت طويل وانادي يناظرني ويرجع يناظر المكان

كسر خاطري وجلست ابكي حسيته وحيد ومحتاج صديق

مع انه جبت قطوه ولد اخوي لكنه خاف منها وجلس يبخ ويهرب مايبي يقرب له !!

الي استغربته انه عارف اسم بسبس!! ومرة اكثر من ثلاثه اشهر على موته وللحين مانساه ؟؟

ويقولون القطط مو وفيه ..!

قريب ان شاءالله راح انزل سيرة حياة بسبس وفديو كليب وفاء لهم