توتوتي يطلع من لسانها دم :(

[لوتيه]

السلام عليكم يا اعضاء منتدى 2zoo
اليوم دخلت على الكاسكو مالتي و مانتبهت انه فيها شي الا الحين يطلع من لسانها دم كنت العب معاها و شفت على صبعي دم و بعدين اكتشفت انه من لسانها و رحت عند القفص وشفت القفص عليه دم و على الارض للعلم هي ماتقعد فالقفص تقعد فوق القفص والمكان لي تقعد فيه مطبخ تحضيري خالي من السكاكين يعني مفضيه كل شي فيه مخليتنه على حسابها هيه و لي معاها بس الثنتين الباقيات في قفص مافيه مجال اني اقول اتضاربو و ماطاعت تأكل شي عطيتها حب ماطاعت و سويتلها سرلاك وماطاعت تاكله عقب عطيتها ماي بالابره يعني حاولت اغسل لسانها من الدم و الحين ماعرف شو اسوي او شو اعطيها اكل ؟؟؟ بعد محيرني الدم كيف انجرح لسانها؟؟؟


القفص الابيض كانت فوقه ..

ابا اعرف شي يعوض الدم لي فقدته..

[هاوي الدره المطوقه]

اختي على
حسب كلامي يمكن يكون القفص فيه حديده طالعه
قاعد يعضضها لين طلع دم
زي كوكي حقي فيه حديده قاعد يعضضها لين طلع من لسانه دم
وهذا الي عندي
اما توقيف الدم الله يخلي البيطري بسرع وقت

[مجنون عويشق]

السلام عليكم

اختي اكيد في شيء اجرحه

في الوقت الحالي اعطيه شاهي ...لانه قابض .وان شاء الله يخفف كمية الدم ..

ثم خذيه الى اقرب بيطري حتى يغسل لسانه ..وينظفه

تحيه طيبه

[Madrid Spirit]

يكون جرح لسانه

افضل شيء تاخذيه البيطري باسرع وقت

[ملك الكاسيكو]

انا الكاسيكو القديم الي كان معي طاح من مكان مرتفع .. ولأن الجناحين ماكانو بالقص الصحيح ماقدر يوازن روحه وطاح على منقاره .. وبعدها بلحظات شفت الدم ينزف من الفم .. ما ادري اذا صار لك مثل الشي..

والافضل مثل ماقالوا الاخوان.. اذا استمرت الحالة وده للطبيب

[أبو ريـــــــــــــان]

ماقصروا الاخوان

[لوتيه]

تسلمون الدم الحمدالله وقف بس شو الاكل لي يعوض الدم ؟؟

[أبو ريـــــــــــــان]

الفواكة والخضروات

[لوتيه]

تسلم يا بو رياااااااان

[لوتيه]

بسئلكم سوري على المغثه ..
لاكن اذا الكهربه ظربة على لسانها يصب دم ؟؟؟ انا اقول يمكن راحت و را الثلاجه و تمت تعضض و يمكن ضربتها الكهربه في لسانها ؟؟ ماعرف هذا استنتاج استويت المحقق كونان تميت الحق بقع الدم و شفت عدال الثلاجه دم قلت يمكن عضت الحدايد لي ورا الثلاجه و ضربتها كهربه بس لي ابا اتأكد منه اذا ضربتها كهربه يصب منها دم يعني من لسانها ؟؟