طيري الأمازوني.. تعبت معاه .. أرجو من الإخوان المساعدة

[dr.motty]

السلام عليكم و رحمة الله و بركاته

إخواني الأعزاء أنا من فترة أشتريت ببغاء أمازوني بلوفرونتيد فرخ عمرو 6 شهور تقريبا و محجل حجل أذهبي أصلي ..و يوم تشوف الطير توقول مشالله تبارك الله شكلو جميل و لطيف و و و و ..
لكن يوم تقرب منه يبدأ يخاف .. و قلت ممكن مو متعود على الوضع

المهم مع الأيام الطير مازال عندو خوف شديد مني و بذات من اليد ,, يعني أول ما أقرب يدي منو يبدأ يحاول يعضها و يرفع نفسو و يتأهب للقتال .. صرت أحطلو سيريلاك في أصباعي يآكل السيريلاك بحذر شديييييد و أول ما يبدأ السيريلاك يخلص يرجع ثاني في العض و الخوف و التأهب للقتال ... و طبعاً ما يخليني ألمس جسمو أو راسو ..

مع العلم إنو الطير أقدر أطلعو على يدي ,, لكن ما يثبت إلا لو مسكت رجولو

و أول ما أحاول أمسح عليه و هوه على يدي يبدأ يعض أو يحاول الطيران

يعني بإختصار ما يخليني ألمسو و يخاااااف من يدي خوف شدييييييييد ولا حتى يآكل من يدي الفصفص .. و تعبت و أنا أحاول فيه لكن الخوف زي ما هوة



مع العلم إنو الطير حركي و نشيط و حاطو في قفص في إستاند من فوق و طول الوقت على الإستاند و في ألعاب في القفص ,, و جناحو مقصوص و أظافرو مبرودة ..

فما أدري أيش الحل يا إخوان ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

آسف على الإطالة بس حبيت أعرض الموضوع بشكل كامل عشان الأمور تكون واضحة..


في إنتظار حل من أعضاء هذا المنتدى الرائع

و شكراً