خبراء الدرة المطوقة

[vipaltear]

بسم الله الاسم الاعظم
السلام عليكم ورحمة الله وبركاته

بحمد الله لقد اشتريت طير الدرة المطوقة النيبالي وهوا فرخ مثل الي بالصورة



الطير زين منه يمشي يعني بطيء ومايطير وياكل سريلاك

السؤال: كم عمر الطير تقريبا ؟ ولما اصير عمره كم راح يستطيع اطير ؟ وكم ابر اعطيه يوميا؟ ومتى افطمه عن السريلاك؟ وكيف اقدر افطمه هل اقطع عنه السريلاك وخلي له حب ولا اكو طريقة معينه؟

بالنسبة الى تفريخ الدرة النيباليه
السؤال: ماهي طريقة التفريخ ؟ وهل هو ممكن؟وماهي مقاسات عش التفريخ؟ وفي اي سن يصبح الطير جاهز لتفريخ؟
طبعا في بعض الاخوه قالوا نستخدم عش الكوكتيل حق التفريخ والبعض الآخر قال نستخدم عش الكاسيكو حق التفريخ اتمنى من اهل الخبره مساعدتي من شان اختار العش المناسب

بالنسبة الى الدرة المطوقة الهنديه
ماهي طريقة التفريخ ؟ وماهي مقاسات عش التفريخ ؟

المعذرة على الاطاله واتمنى اني استفيد من اهل الخبرة
وانا اثق بخبراتكم وقد تعلمت من خبراء هذا المنتدى الكثير طبعا في الكاسيكو بشكل خاص
اما الحين جينا حق طيور الدرة واتمنى اني اصير خبير مثل احبتي الموجودين في المنتدى

انتظر ردودكم احلى احر من الجمر
تحياتي لكم جميعا

[شايب حائل]

انشاءالله مايقصرون الاخوان

[vipaltear]

انتظر ردودكم بفارغ الصبر

[هدوونه]

وانا تقريبا نفس الاسئله

واتمنى اننا نلقى الاجابه

[أحمد الهاملي]

السؤال: كم عمر الطير تقريبا ؟
شهرين ونصف

ولما اصير عمره كم راح يستطيع اطير ؟
3 شهور

وكم ابر اعطيه يوميا؟
ثلاث ابر وكل ابره 25 ميليلتر لاتكثر لان الجرعه الزايده تسبب تعب لمعدة الفرخ واسهال وخمول وكسل

ومتى افطمه عن السريلاك؟
عندما يرفض اكل السيريلاك وتقريبا سيكون عمره 3 شهور وعشرين يوم

وكيف اقدر افطمه هل اقطع عنه السريلاك وخلي له حب ولا اكو طريقة معينه؟
طبعا لاتقطع السريلاك حتى تتاكد ان الفرخ اعتمد على نفسه في الاكل يوم بيصير عمره ثلاث شهور حاول كل يوم تضع له حب وتفاح في القفص علشان يشوف الاكل ويتعود عليه طبعا فالبدايه بيشوف الاكل فقط ولن يستطيع الاكل يوم بعد يوم بعد يوم بتلاحظ ان الفرخ يحاول يمسك الحب ويمسك التفاح يعني يستكشف الي قدامه ويوم بعد يوم بعد يوم بتلاحظ ان الفرخ ياكل اشوي تفاح ويكسر الحب بشكل بسيط يعني مايكسر الحبه بشكل كامل ويوم بعد يوم بعد يوم بيتعلم كيف يقشر الحب وبيعتمد على نفسه