سؤال للمختصين لو سمحتو ^_^

[Q_9]

السلام عليكم و رحمة الله وبركاتهـ

كل سنة وانتو طيبين بمنااسبة عيد الاضحى المبارك

انزيـــــــــــــــن اشحالكم و اخباركم ربكم ابخيرو عافيه

يعلكم دوم يا رب

انزين انا عندي كم سؤال و اتمنى احصل اجااابه شاافيه منكم


السؤال الاول :-

س/ الكشف الدوري للطائر كل كم ايكون هل ايكون كشف دوري شهري او كل شهرين
طبعا انا ابغي الافضل و وفي النهاية الاعمار بيد المولى سبحانة و تعالى .

السؤال الثاني :-

* انا عندي طيير (كاسكو) تقريبا الحين عمره يعني ان شاء الله 6 اشهور او 5 و نص , انا احس انه ضعفان مع انه ما شاء الله عليه نشيط و ايصفر بس احسه ما ياكل عدل .

س2 / ابغي اسال شوه الاكل المغذي له ؟

* انا اعطيه تفاح بس ياكل اشويه منه , اعطيه سيرلالاك بس الحين ما ايحبه يعني اعطيه ابرا وحده بو5 ميلي بالموت ياكل ابرتين والا ثلاث .

* خضره ما ياكل يعني خيار يزر و خس وهالامور ما ياكلها .

* الذرة ياكل , والنخي (الحمص) ياكل .

* انا ابغي نصااايح شوه اعطيه عشان اعوضه عن الضعف الي فيه .

& مرفق لكم صور لطائر




هذي الصوره جديدة

[yasser2ysh]

وعليكم السلام
حاول تنوعله بالاكل
مع اني شايف ان الببغاء مو هزيل ولا شي
بس الله يوفقك
وحاول تحطه بالشمس في الصباح الباكر

وان شاء اهل الخبره يفيدوك

[د. إحتـراف]

السلام عليكم

ان شاءالله اقد اجاوبك عن كل اسئلتك
نبدأ

السؤال الاول :-

س/ الكشف الدوري للطائر كل كم ايكون هل ايكون كشف دوري شهري او كل شهرين
طبعا انا ابغي الافضل و وفي النهاية الاعمار بيد المولى سبحانة و تعالى .

والله شي راجع لك بس كان ودي اعرف سبب الكشف ؟ اذا حافظت على طيرك من الامراض ماراح يصيبه شي بأذن الله

السؤال الثاني :-

* انا عندي طيير (كاسكو) تقريبا الحين عمره يعني ان شاء الله 6 اشهور او 5 و نص , انا احس انه ضعفان مع انه ما شاء الله عليه نشيط و ايصفر بس احسه ما ياكل عدل .

س2 / ابغي اسال شوه الاكل المغذي له ؟

الفواكه , الخضروات , بطاطس مهروسه , أرز لحاله او ارز مع بطاطس مهروس

* انا اعطيه تفاح بس ياكل اشويه منه , اعطيه سيرلالاك بس الحين ما ايحبه يعني اعطيه ابرا وحده بو5 ميلي بالموت ياكل ابرتين والا ثلاث .

الحين الطير يقدر يعتمد على نفسه حط له حب شمسي وشوف ياكل ولا لا

* خضره ما ياكل يعني خيار يزر و خس وهالامور ما ياكلها .

لازم يكون جوعان وياكلها


* انا ابغي نصااايح شوه اعطيه عشان اعوضه عن الضعف الي فيه .

بما ان طيرك صغير انصحك ان تقرأ الموضوع هذا راح يفيدك كثير وهو من مواضيعي

http://www.2zoo.com/vb/private.php?d...pm&pmid=503242

[Q_9]

مشكورين على الردود و ما قصرتو ^_^

الفحص وقااائي يعني يعني اذا فيه مرحلة مرض لا سمح الله نقدر نعالجها بدري قبل انتشاره

[مجنون فلته]

السلام عليكم

الفحص الوقائي يعتمد عليك

وهو انك اذا شفت طيرك عنده افرازات من الأنف او ترجيع في الأكل او صوت بالتنفس هذا يبين ان الطير ببداية مرض

وقلة الحركه والخمول ايضا

بالتوفيق اخوي