[سيدريك ديجوري]

السلام عليكم ..

حقيقه ما أثار إستغرابي هو أنواع الهامسترات ..
فـ عندما أروح أي محل يقولي هولندي وأنواع كثيره أول مره أسمع بيها ..
وفي آخر مره رحت عالم الأمزون قاعد يقولي شوكلت وخرابيط زي كدا ..

أما لمن اجي للمنتدى الغالي ..
طبعاً أنا قريت كل المواضيع المثبته حقت الهامستر ..
لقيت أنواع أبداً ما أحد ذكرها برا المنتدى غير الروسي ..

يعني النوع الروسي هو الوحيد إلي قلي الرجال إنو في نوع بهادا الإسم ..

وفي المنتدى لقيت فقط الروسي المندرج تحته الونتر وايت والكامبلس ..
والسوري ..

...................................................................................................................

اتمنى إخباري عن أنواع هاذي الهامسترات ،، طبعاً هيا كلها نوع واحد ..

هادي صورتها من عالم الأمزون ،، في جده ..

قلي إنو نوعها هولندي ويعيش زوج مع بعض ،، وأقوم بفصلها وقت الحمل فقط ..

أرجو ممن يعرف مكان في جده يبيع ونتر وايت يقولي ،، لإني رجعت هامستريني السوريين ..
وقاعد عندي القفص فاضي ..
وما سبت مكان ما أعرفو وما رحتو ..

وكمان ليش نفس النوع هادا بعضهم شعرهم طويل والآخر قصير ..
وهل ينفع التزاوج بينهم ..


وعزوز مدري عبود واحد منهم من جده أرجو إذا كان يعرف مكان يخبرني ..

تحيتي وسلامي للجميع ..