29-08-2014, 09:15 AM
|
#1
|
هاوي جديد
|
سؤال بخصوص طيور الحب (الفيشر)
السلام عليكم
انا اشتريت زوج فيشر في رمضان 2013 و كانت حالتهم كويسة و كملو سنة و في رمضان 2014 الانثي ماتت فجبتلو انثي تانية بس فيها حاجة غريبة ريشها لونه كده مدي علي ابيض كده مش زي الدكر و بعدين بدات الاحظ في لون الفضلات متغير ككده ساعات بيبقي اخضر كده و ولافف كده و عامل زي الدودة وساعت بيبقي اخضر غامق بس و ساعات بيبقي عادي مع اني بغير المية كل يوم و ساعات كمان بغيرها مرتين لاني ساعات بلاقي فيها فضلات واقعة
و كمان بنوع في الطعام ساعات بحط فلارس او لب عباد الشمس او بيض بالقسمات مش بيرضو ياكلو حاجة تانية غير كده (الخضروات و الفواكه مش بيجو ناحيتها لما بحطهالهم )
مع العلم ان الطيور نشيطة و بتغرد باستمرار و كل اسبو ع كده بفتحلهم القفص يطيرو شوية برة في الغرفة و بيعدو يطيرو فيها ويقفو علي المرواحة و يقعدو يطيرو عليها و بعد كده بيخشو القفص لوحدهم
بس كل لاما اقرب صابعي في القفص الدكر يهجم عليه و يعضه جامد ده معناه ايه ؟
و بعدين ايه الخطوات الاتبعها عشان اخليهم يبيضو ؟
و يا ريت تقولولي ايه معني تغير لون فضلاتهم ده كده
|
|
|