[جداااوي]

شباب انا طبقت عدة تدريبات مو تدريب واحد طبعا
وكل ما الطير سوي صح انتو تعرفو ايش رح يشجعه زياده اكيد المكافأه
وانا انا طبقت الطريقه اللي قال عليها الاخ سكر ونجحت بعض الشئ بس احس انو طول فيها وهادا رابط الموضوع

http://www.2zoo.com/vb/showthread.php?t=96771

اما الطريقة التانيه كانت طريقة الاخ علي بن عبدالله وهي طريقة تجويع اللي انا ما كنت اأيدها نهائيا
وهادا رابط الموضوع

http://www.2zoo.com/vb/showthread.php?t=99200

والله وجوعت الطير زي ما قال بس انا من جد افتريت في تجويعه سحبت الاكل منه من بعد صلاة الفجر اللين العصر وطلعته برى القفص وبديت امد له يدي
اما كم جلست ادربه
في طريقة الاخ سكر جلست تقريبا 5 ايام وبعدين بطلت
وطريقة الاخ علي بن عبدالله جلست تقريبا 3 ساعات
وبدأ يطلع
وكل ما يطلع تعرفون اكيد له مكافأه
واحطه فوق القفص واقاله اطلع يطلع ويرجع يتردد
اما اذا تردد اروح عنه مدة ربع ساعه وارجع له
واقله اطلع لما يطلع اعطيه مكافأه
وعلى هادا الحال لين ما صار يطلع لوحده
اما لما كانت ابغاه ينتقل من يد لتانيه كانت صعبه شوي
امد يدي التانيه له وهو يتكي بمنقاره وما يرضى يطلع اهز يدي واقله اطلع لما طلع اعطيته مكافأه
وارجع واكرر نفس الحركه لين ما صار يطلع من مجرد ما احط يدي عنده
وبا قي وهو جوى القفص اطبقها عليه وارد لكم خبر
هذي طريقتي اللي انا طبقتها
وتحيه طيبه للجميع
اخوكم جداوي (بندر)