[عاشقة الطيور]

وعليكم السلام ورحمة الله وبركاته

ياهلا ومرحبا بك اخوي .. ومبرووك على الطير

وبالنسبه لاسألتك

كلما كبر الطير بالعمر صعب تلقينه الكلام لكن مب مستحيل وطيرك في هالعمر يتعلم الكلام بسهوله لكن يبي له صبر

وسبوع اخوي مب كفايه عشان يتعود الطير على البيت اليديد .. وماشاءالله عليك قدرت اطلعه على يدك حتى لو بالقفاز بفتره قصيره وهذي شي ممتاز وان شاءالله بيتعود على يدك مثل ماتعود على القفاز بالبدايه عطه اكل من يدك واهو داخل القفص لما ياكل وبعدين دخلها في البدايه يمكن يخاف ويسوي ازعاج لكن لتشيل يدك وخلها ثابته اذا كلش مب راضي ياكل خله فتره من الوقت وارجع له مره ثانيه لما يتعود ياكل من يدك ولين حسيته بدى يتعود على يدك امسح على ريله يمكن يعضك وهذي شي طبيعي وعطه الاكل الي يحبه وهكذا ابتدي المسه من ريله رمنقاره وهذي كله يبي له صبر وطوله بال .. وبعدها لين طلعته من القفص تقدر تشيله بيدك وفي بعض الاوقات ممكن يعضك وانهيه بقولك له (لا) بصوت يبين انك رافض الي يسويه ومع الوقت بيفهم


وعن شلون تعلمه اذا تقوله نزل راسك ينزله هذي بعد مايتعود عليك ويثق فيك ... وكثر قعداتك معاه وكلما قعدت وياه كلمه

وعندك المواضيع المثبته بتستفيد منها وااايد

وبالتوفيق