[EVO46]

صديق لي عطاني الكاسكو مالة هديه لي ونا اعارف هذا الكاسكو من قبل لني انا الي تنقيته لصديقي هذا الكاسكو اول ماشفناه فالقفص في السوق كان وديع وخذاه اربيعي فوديناه عند الدكتورة علشان تقص اضافرة وريشة بس الذكية قصت ظفره لين مانزف فوسمته علشات توقف النزيف ومن يومها الحبيب كارهني كره العمة مايحبني ولا يحب يشوفني وحتى صديقي نفس الشي بس معا زوجته كان اشوية يخليها تمسحة ومايجعر يعني بختصار طلع يحب البنات وكاره الرجال ابا حل معاه انا عندي كاسكوين اشحلاتهم وهذا رافع ضغطي يطلع اصوات حلوه ويصفر بس مشكلته مايجي عندي الى اذا لبست القفاز اذا حاولت بيدي على طول يعض ويجعر انا حاس انه راعية الجديم كان يظربة لنه كاره الرجال بدرجة قوية وعمرة تقريبن سنتين ونص انا قبلته علشان يتوالف مع الانثى الي عندي والحمدلله طلعو الجماعا حبيبه بس انا اباه يحبني اتمنى منكم تعطوني كل الطرق لترويضه ساعدوني رغم اني قبل روضت الانثى في 7 ايام اما هذا ما شفت اصعب منه احسبه متعقد