|
رد: المسح على راس الدرة والعض
حسب خبرتي في حك راس طيور الدره بجاوب
لاني ولله الحمد مع كل طيور الدره العنيد والعصبي والهادي والشرس حكيت لهم راسهم بنفس الطريقه
بس مو بيوم وليله ولا بشهر
يعني حسب الطير في الي من اول اسبوع وفي الي بشهر وفي الي بشهرين
لكن بالاخير كلهم صرت امسح لهم روسهم
وفي بعضهم حاولت امسكه بقفاز ثقيل واحك راسه بالغصب مدة نص ساعه الين يهجد . يعني بالقوه وبالتمهيد شويه شويه الين يهجد
لكن الله يعيني واوصلك فكرتي لان شرحها صعب شويه
الطريقه هي : التشتيت
كيف بعلمك
حاول تخلي الطير بجانب مرايه واقف على رجليه
ويكون بغرفه غير غرفته الي يجلس فيها
وما يكون فيها اماكن للهروب
مثلي انا ادربه بالحمام وانت بكرامه
مافي الا المغسله بس
ولا في أي مكان الطير يقدر يشرد فيه
المهم
اخليه يوقف عند المرايه فوق المكان الي نحط فيه الصابون واعواد الاسنان
وابدا بيدي الثنتين
يد من قدامه احركها فوق تحت واليد الثانيه من ورا الطير احركها بنفس الحركه من تحت لفوق
الطير هنا يبدأ يتشتت تركيزه
وكل شوي اقرب واذا شفته يحاول يبي يعض يدي اليمين اشتت تركيزه بيدي الي على اليسار
الين تتعب عضلات رقبته والمرايه تحسسه بالامان شويه وابد اقرب واقرب الين اوصل لشعر راسه
واهتم باني اخليه ما يعضني ابدا
لانه لو عضك انت اكيد بتوخر يدك بسرعه وهو بيفهم ان العض منه فايده له
فحاول لا تخليه يعضك ابدا
وكرر الطريقه الي قلتلك عليه كل يوم ربع ساعه فقط عشان ما تتعبه
ومو ضروري اول يوم تحك راسه
زي ما قلتلك حسب الطير
اهم شي لا يعضك
وتحاول تشتت تركيزه
وبمكان جديد عليه او ما يقدر يهرب لمكان ثاني
|