[The Vix]

الجرو من 3 أيام جاله إسهال شديد و مكانش عندي دوا ليه و اعطيته أنتينال و استمر لثاني يوم و زاد عليه قئ و كان مش بيقدر يقوم من مكانه خالص ... قلت لدكتور بيطري كتبلي على ( كابكت 5سم مرتين في اليوم )
الإسهال وقف يومها و رجع يتحرك و يلعب تاني و ثالث يوم رحت به للتطعيم في المديرية البيطرية و الدكتور طعمه ثماني بدال السعار لان كانت الرخص خلصت .
و قلت له على الإسهال قالي طالما وقف خلاص و قلت له على حبوب بتطلع في بطن الجرو قام قالي دي حساسية من النوم عالسيراميك و من غير أي فحص كتبلي دواء ( تافيجيل 4 سم مرتين في اليوم ) هو بينام عالسيراميك اليومين لان الفرش بتاعه كله مش نظيف و الاسهال بيبهدل الفرش جامد

امبارح تاني ظهر الإسهال و القئ و كمان النهارده أكل فراخ مسلوقة و قام رجعها تاني
مع اني بعطيه الدوا في ميعاده

انا مش عارفة أعمل ايه وزنه بيقل و حزين و حركته قليلة و مافيش أكل بيستمر في معدته... انزل به عيادة خاصة ولا أعمل ايه ؟!


ملحوظة كده الجرو من فترة كان بياكل قطع فحم الشوي النظيف كان بيدخل ياخدها من المطبخ لوحده و بصراحة مش دايما كنت أبعده عنها يعني كنت بسيبه يعضعض فيها عشان سنانه بس لما لاقيته بياكله كتير قمت بعدته عنه ...فهل ممكن يكون عمل له تسمم بعد وقت ؟؟