[جورجي]

وعليكم السلام ورحمة الله وبركاته
اختي مكان الفرخ دافي ؟ اقصد القفص موجود بغرفة دافئة ؟
لان الفروخ الصغيرة ماتتحمل البرودة .. اذا الغرفة باردة انقليه الى مكان دافي
خلطة اطعام الفرخ نفسه السيرلاك الخاص بالفروخ او غيرتي الى نوعية ثانية من الاكل ؟
وتأكدي من فضلات الفرخ " اكرمك الله " يمكن يعاني الفرخ من اسهال
حوصلة الفرخ مازالت مليانة بالاكل او انها تتفرغ بشكل طبيعي ؟
من مشاكل الفروخ ان الاكل اذا كان بارد او ثقيل انه يظل بالحوصلة وماينزل للمعدة وفي حالة عدم التصرف وتفريغ الحوصلة يموت الفرخ
اختي المربين يحطون الفروخ الغر في كرتونة مناسبة مفروشة بنشارة الخشب ويغطوا نصف الكرتونه بمنشفة او قماش دافي
والبعض يستخدم الصناديق البلاستيكية حق الحيوانات الصغيرة ..تكون الكرتونة او الصندوق مريحة ودافئة للفرخ اكثر من القفص وعند عمر الشهرين يحطوا الفرخ بقفص