|
انتفاخ كبير في بطن القطة مع فيديو
السلام عليكم
مساء الخير اعزائي
اولا حابة قول انو اخر حل لجأت له هو كتابة الموضوع
موضوع قديم عن القطة ومشاكلها
http://www.2zoo.com/vb/showthread.php?t=327607
القطة عندي من شهر ونصف واول ما اجت كان عندها اسهال واخدتها عند البيطري ووصفلها ادوية
وعطاها ابر وما شفت تحسن وسالت بالمنتدى ونصحوني الاعضاء بعلاجات وعطيتها للقطة
والحمد الله موضوع الاسهال انتهى بعد ما صارت فار تجارب المسكينة ولكن ؟؟؟
من فترة اسبوعين لاحظت انها عم تاكل الرمل الخاص فيها وهو من النوع يلي بيتكتل الناعم
بالاضافة لانتفاخ ببطنها رجعت اخدتها عالبيطري وعطاني الحل بتغير الرمل
غيرت الرمل للكرستال وفعلا عطى نتيجة وبطلت تاكل
اما بالنسبة للانتفاخ فقلي الدكتور انو اصومها 12 ساعة لان معها تلبك معوي
واعطيها وجبة من عنده اشتريتها متل معلبات خاصة بالكيتنز
وقلي اعطيها بيض مسلوق لتعويض الفيتامينات ولكنها للاسف ما قبلت البيض نهائي
واكتفيت بببي لايت
واستمريت عالتصويم مدة 3 ايام بدون نتيجة
من اسبوع لليوم بطنها يوميا بيزداد انتفاخه لدرجة وانا عم حممها حسيته رح ينفجر !!
ملمس الانتفاخ كانه بالون معبى ماء لاخره يعني طري مو متحجر
شهيتها للاكل توب لدرجة انو فكرت الانتفاخ سمنة ولكن مستحيل بس تسمن من البطن فقط
وبطريقة غير متناسقة لدرجة اثرت على حركتها ومشيتها
بالنسبة للبراز صار عادي متل القطط العادية بس مرة باليوم وكمية قليلة
الطعام الاساسي دجاج مسلوق واحيانا معه رز ومرقة الدجاج واحيانا لحم مسلوق
ومن اسبوع دخلتها معلبات خاصة بالكيتنز وجبة واحد يوميا
الامراض المستبعدة الديدان لان عطيتها دوا فيرموكس وما شفت اي اثر للديدان ببرازها
يا ريت يلي عنده خبرة وتجربة يفيدني
ويا ريت يلي بيعرف بيطري شاطر بالرياض يبعتلي رسالة خاصة
لان صار اخدتها عند عيادتين من المفروض انهن من المشهورين بالرياض
لكني شخصيا لم ارتاح بالتعامل معهم لعدم وجود المهنية والاهتمام بتحس الشغل هات ايدك ولحقني !!!
انا محتارة جدا وانتظر الاجابة والمساعدة
وشكرا
فيديو القطة لاحظو الانتفاخ من الجوانب
http://www.youtube.com/watch?v=5Lk2r...ature=youtu.be
الطعام المعلب
|