ممكن دقايق من وقتكم
السلام عليكم
اخواني اعضاء منتدى توزوو
انا من شهرين شريت جوز دره منتج وكان معه فرخ بس راعي الزوج الاول رفض يبيع الفرخ مع الجوز
المهم شريت الجوز وكانت الانثى ماتفارق البياضه وصرت اسمعها تحك ارضية البياضه لين شفت شيء استغربت منه كثرت الريش بارضية القفص والغرفه بشكل غريب والاغرب ان الذكر صار مايفارق البياضه
والانثى هي الي برى حتى انها شرسه ماتخليني اشيل المعالف من القفص لكي انضفها او اكلها حرب انا وهي لين احط لها الاكل وبعد فتره شفت ريش طويل بارضية القفص يشبه ريش الذيل وقبل كم يوم شفت الذكر طالع من البياضه بالصدفه وشفته شكل ثاني بعد مكان الذيل طويل والريش كثيف صرت اشوف ذيل قصير والريش خفيف جدا لدرجة انه مبين الطير نحيف بس الطير نشيط يوم شفته
رغم اني احطله جرجير تمر خبز حبوب عباد الشمس ومره حطيتله بيض وتفاح كل اسبوع مره
معليش طولت عليكم بس ياليت تعطوني رايكم في الطير بغيت انزل صور بس ماعرفت انزلها من الجوال بس احاول انشاء الله
|