|
تعليم القطط على الليتر بوكس
اذيكم
بصوا انا دوشاكم بقططي بس مفيش غيركم هيساعدني بخبرته
انا عندي اربع قطط اساسي الاب 4سنين وبنتيين وولد سنتيين وقط صغير ابنهم 4شهور
المهم متعوديين على بلاعه وانا زهقت وقبل كده انتم نصحتوني بالرمل
اشتريت بقى 2ليتر بوكس ورمل وظبط الدنيا
وبحاول اعلمهم مفيش فايده خلاص تعبت من غبائهم وعندهم بجيبهم قط قط واحطه في الليتر وافضل احرك ايدهم في الرمل كانهم بيحفروا مفيش فايده على الرغم ان بجيبه بسرعه لما يدخل الحمام يعني عايز يعمل بس بيرفض يعمل حاولت احبسه في حمام ومعاه الليتر برده يعمل في بلاعه ورافض الليتر حتى المفعوص الصغير مش راضي
اعمل ايه عايزه يتعودوا على رمل اريحلي وافضل وليه العند ده 
هستنى نصائحكم ازاي يتعودوا يعملوا في الليتر رافضيين اساسا الفكره وبيجروا منه والصغير بيلعب في الرمل بس لكن مش بيعمل حاجه
انا جبتلهم عواميد خشب حلوه مووت وسرير وروله لنزع شعر القط المتساقط ووعاء للماء والاكل والليتر واحد هوم مقفول وواحد بمصفاه مفتوح
طبعا دلعت قططي وكوره لعبه وفار دلعتهم على الاخر وهصوركم حاجات القطط وهفرجكم عليها بس اعلمهم على الليتر الاول عايزه كل خبراتكم وتجاربكم لتعليم القطط الكبيره على الليتر
|