|
رد: موضوع لعلاج الاسهال المزمن والسالمونيلا عند الطيور التي تمكن منها المرض
اقتباس:
المشاركة الأصلية كتبت بواسطة أبيض قلب
أخوي كويتي 777
مشكور على هالموضوع الهام
أنا فقدت طيري الكاسيكو وكان عمره تقريباً 7 أشهر قبل أربعة أيام بسبب الاسهال المزمن أجلك الله ومرض السالمونيلا اللي قضى عليه
كلما تذكرت أيام مرضه ومحاولاتي في تدارك الحالة أشعر بحزن شديد والله كسر قلبي وحتى زوجتي ما تحب الطيور بس يوم مرض الطير حنت عليه وشاركتني في رعايته وبكت بكاء مرير على موته
وديته لكل العيادات والاطباء البيطريين في البحرين ، بس ما كتب الله له أنه يعيش رغم محاولتي في مساعدته
سبحان الله ما جلس عندي غير خمسة أيام بعدين داهمه المرض فجاءة كان نشيط ولعوب وشهيته للاكل زينة. بس سبحان مغير الاحوال .
والله جتني ردة فعل سيئة وحالة إكتئاب بسبب موته لكن الحمد لله على قضاءه وقدره .
وللمعلومية هذا اول طير اربيه وبصراحه اصبح عندي خوف وتردد من تكرار المحاولة مرة أخرى
كان عندي حماس قوي ورغبة شديدة في يتربية الطيور المتكلمة ، بس الان تحول الامر الى إحباط وخوف بعد حادثة وموت طيري .
تقبل مروري أخوي وأعتذر على الاطالة ،،
*
|
لاحول ولا قوة الا بالله
انت سويت الي عليك والاعمار بيد الله سبحانه
نفس الي صار معاي بالظبط والله لي يومك اخاف اخذلي فرخ كاسكو
عموما لا تأيس طال عمرك وبالعكس اخذلك واحد بس حاول تاخذلك واحد مايكون فرخ يكون عمره فوق السنه ومبرب وجاهز وانتبه عليه من التكيف والاكل الطيب وبإذن واحد احد بيقعد معاك لان الكبير مناعته اقوي من الفرخ
والله كنت نفسك بالظبط بس بعد ماسمعت وشفت كواسكو قعدت عند اصحابها 20 و 30 سنه قلت بالعكس بس اهم شي في بداية عمره اهتم فيه
ومثل منت عارف يكون ياي من افريقيا او من هولندا وبتغير عليه الجو في اول اشهر او سنه فلازم تهتم فيه هالفتره الين يتأقلم علي الجو وعليك وحاول اهم شي تدلعه بالاكل مو بس حب شمسي فول سوداني وذره وفاقوليا وبازليا وفواكه وخضروات
وصدقني هالهوايه والله العظيم من احلي الهوايات الي جربتها وخصوصا اذا شفت نتاج حق تعبك والطير تعلق فيك وقام يتكلم ويصفر والله بصير احد اراد البيت وماتستغني عنه
موفق يارب
|