[شاهستا]

لا مفيش ازعاج ولا حاجه ياقمر

وانا كمان مش مرتاحه للعلاج دة اديها انتينال زى ماقولتلك

والسرنجه الى هى الابره من غير الجزء الحاد الى فيها بتاخدى من العلاج 1 سم وتديهالها فى فمها

العمر الطبيعى انك تتعودى على القطه فى عمر شهرين او تلاته عشان متتعبش منك

وتكون خدت كفايتها فى الرضاعه وحنان مامتها

التطعيمات من عمر الشهرررين والديدان ليها علاج بيتاخد عن طريق الفم

متديهاش اى حقنه للديدان لانها مميته وهى اصلا مش هتستحمل لانها كيتن

الاسهال جالها من اللبن لكن الدجاج لا بالعكس بننصح بيه فى حالات الاسهال واكليها معاه الدراى فود

ولو تقدرى تكتبلنا اسم الدراى فود الى بتستخدميه يكون افضل

السيريلاك عادى بتعمليه كأنه لطفل بتحطى عليه مايه وبتدوبيه وتحطيه ليها فى الطبق

وياريت تدوقيها حته من ايديكى عشان تقبل تاكله

كل اسبوع بتروشيها انتى مستغنيه عنها بقى مينفعش كدة دى مفروض متسحماش دلوقتى خالص

ولو عايزه تخليها نضيفه ممكن تستخدمى الدراى كلين

وكمان كثره الاستحمام دة هيخلى شعرها يوقع وفروتها تضعف

وبالنسبه انها تبقى دبدوبه الاول بس نخلص من مشكله الاسهال وبعدين اكتبلك نظام غذائى وفيتامينات