[جعفر السامرائي]

السلام عليكم
اخي العزيز
تقريبا مشاكلك مع ببغائك هي نفس مشاكلي مع ببغائي ، كان بالبداية ما يرضى اي شيء بس الحمد لله شوي ترويض وتدريب ومحاولة مسح على راسه ومنقاره اخيرا عطاني المجال وبلشت امسح على راسه واحكه ، لكن للان ما يرضى ان امسح على راسه وهو بداخل القفص.
وهناك مشكلة رئيسية لم تذكرها ما بين تلك النقاط وهي الاساس في كل تلك المشاكل
تشوف الطير لما تقرب منه يرجف رجف مو طبيعي
والشيء اللي يخليه يرجف بهالطريقة هو الخوف والخوف ناتج عن عدم الثقة بالطرف المقابل ، وانا صراحة معاني من هالمسألة للآن ببغائي يجي على يدي لما اريد اصعده ، شوي يجلس يمي على الاستاند يخليني احك راسه وريش الخد وشوي امسح على ظهره.
لكن ما ياكل من يدي ، ولا راضي يتكلم ، مع انه يقول منو ويقول سلام عليكم بس مو راضي يقولهن ابد ، سمعتهن مرة فقط قالهن ، لكن للان لا شيء.
أفادوني الاخوة الافاضل هنا انه لازم اكثر جلوسي معاه تدريجيا وليس فجاة.
يعني يومين انا اجلس معاه الصبح ربع ساعة وبالليل ربع ساعة ، اليوم الثالث والرابع الصبح ربع ساعة والعصر ربع ساعة وبالليل ربع ساعة ، *بعدها تزيد المدة بدل ربع ساعة نصف ساعة ، وهكذا. الى أن يتعود عليك الطير.
بالنسبة لي أيضا : جربت معاه بأكلاته المفضلة من الحبوب والمكسرات وغيرها : (الفول السوداني ، الفصفص ، حب شمسي بطعم الفلفل ، والتمر البرحي والرطب .. هذولي يموت عليهم طيري) ، وهالأكلات ما ياكلها من يدي الا نااااااااااااااااادر مع انه احسه ما يقاوم امامها ، حبه ياكلها وعشرين يرميها.
اعتقد ان الطريق الوحيد الصحيح لرفع خوف الطائر هو كثرة الجلوس معاه ، ولكسب الثقة اكلاته المفضلة لازم تكون من اليد وإن رفض ان ياكلها لا تعطيهيا ، إلا اذا زعل عليك تخليها له بالمعلف حتى تتصالحون ، مثل ما حصل البارحة مع سعدية ، زعلت معاي لاني شوي عصبت عليها ، خليت لها الفول السوداني كم حبة في المعلف بعدها وشوي فصفص الحمد لله تصالحنا

اتمنى اني ما طولت عليك وان شاء الله افدتك

سلامي