[ndman]

السلام عليكم ورحمه الله وبركاته


بسم الله الرحمن الرحيم

انا ياشباب عندي طيري افريقي عمره تقريبا سنه ونص

والله جنني قطع ايدي سواها صح وغلط

شريته من واحد كان اليف ومانا زينه يوم جا عندي مدري وش جاه

اطلعه برا القفص يركب على ايدي وامسكه ومايقولي شي

اذا رجعته مره ثانيه ياشيخ لك اللي تبي اذا حطيته لايدك مره ثانيه

حاولت فيه يمين يسار عنييييييييييييييييييييييييييييييييييييييد

وتجيه ايام وهو على القفص امسكه احك منقاره عاادي ومرات يركب على ايدي

بس اذا ركبته وحطيته على الاستاند او على القفص مره ثانيه ومديتله ايدي

يقوم يعضني ويجعر اذا عصب قفلت معي لدرجه اني ودي اعطيه ككف

وعندي استفسار بنسبة لتلقينه الكلمات كم يوم ويقول الكلمه

اسبوع خمس اربع ايام لاني قاعد اقوله كلمه لي يومين

وبعمره هاذا اقدر اسويله شي يعني العبه اعلمه حركات ولا شايب وماله خلق

كنت بلعبه قطع التي شيرت حقي

من جد قفلت معي عطوني حل معاه احبسه يومين عشان يتأدب