[The Cat Whisperer]

السلام عليكم ورحمة الله وبركاته

يا جماعة انا عندي قطة عمرها 13 أسبوع عندي من 3 أسابيع

وواخدها هدية من قريبي كانت قطته ولدت وجابلي بنتها هدية

ما شاء الله جاية جاهزة مكانتش محتاجة تدريب متربية ومؤدبة

المشكلة بتكره الخروج موت بتخاف جداً مع ان القطط تحب الحرية والخروج

لما اطلع بيها الروف أو شقة اخويا (في نفس العمارة) تكلبش فيا وتترمي في حضني

مجرد ما اخدها واطلع من الباب تبتدي تخاف وتكلبش فيا بمخالبها وتخربش عايزة تدخل تاني

جه يوم التطعيم اضطريت آسفاً من خوفها احطها في كرتونة واعملها شوية خروم عشان التنفس

قفلت عليها بالبلاستر وطعمتها وطول الطريق بتنونو وتطلع ايدها ووشها من الخرم وانا في العربية قطعت قلبي

والحمد لله لولا تعلقها بيا من أول يوم مكنتش خرجت بيها كنت اخاف انها تسيبني وتهرب أو تتوه

حاولت بكل الطرق اطبق عليها اللي قريته اوقفها في البلكونة او قدام الشباك مفيش فايدة

ولسة هطعمها كتير ييجي 4 مشاوير ونفسي اطلعها الروف تغير جو وتاخد حريتها في المساحة اعمل ايه