|
تكفون ساعدوني
السلام عليكم ورحمة الله وبركاته
بقولكم مشكلة الكات حقتي وياريت القى حل بإذن الله
السالفة من البداية قبل اسبوعين وديتها تتزوج طلعتها بعد مرور خمس ايام المهم بعد ماطلعتها
لاحظت عليها طول الوقت نايمه ليل نهار الاكل قل كثير كثير
قبل يومين تقريبا ماصارت تنام طول الوقت جالسه وماتتحرك ابد وماتاكل ابد جسمها صار مره هزيل
واذا حركتها تطيح وديتها لدكتور قالي حالتها الصحيه كويسه بعطيها فيتامين عشان تتنشط الكلام
هذا امس بالليل اليوم لما قعدت من النوم حصلتها منزله شي اصفر الله يكرمكم بعد الظهر تحول
لون عيونها اصفر لدرجة تخوف وحراره مو طبيعيه وديتها لطبيب ثاني قال عندها التهاب في الكبد
لازم تتعالج بمضاد ولا راح تموت اعطاها ابر خافضه للحراره وجليكوز وقال لازم كل يوم تجيبينها
اعطاني دوا لها في البيت عباره عن مضاد حيوي اسمه BETAMOX
وجليكوز حق الاطفال
وخافض للحراره اسمه سابوفين
وقال اكليها زبادى منزوع الدسم
في شي ثاني اقدر اسويه لها ولا لا
او الي يعرف دكتور ثاني شاطر في الرياض قولوا لي تكفون
__________________
|