منتديات تو زوو - عرض مشاركة واحدة

Miss lexus girl · 13-02-2007, 05:56 PM

●● مســاء الخير

شلوونكم، شخبااركم، شحاالكم

هاليومين مادري شفيهــآ!!

طبعا عقب هالفترة عندي صارت متعودة علي.. ولما أناديها ماتوصل لعندي للحين.. بس تنتبه لاسمها وإذا بالقفص تطلع "تراها مسوية لها مثل البيت بالقطن" بما ان القفص صغيرون ومايكفي بيت.. المهم يعني تميز اسمها أو صوتي بالأحرى وتتلفت وتتقرب شوي

المهم،، البارحة طلعتها وظلت على يدي وعضت صبعي ×_× أول مرة تسويها!

العضة شوي تألم.. قلت يمكن متضايقة ولا شي فرديتها القفص

وأنا عادة.. أبطل لها الغرفة الصغيرة اللي موصولة بممر علشان تطلع وتلف بالغرفة على كيفها وهي متعودة تطلع وترد

وتحت القفص مبطلة لها الحاجز اللي كنت حاطة فيه الرضاعة "اختربت وقامت تسرب ماي ××"

وهذي تطلع منها مباشرة لتحت على الأرض يعني وتروح تلف.. غالبا ورا مكتبي الصغير.. وتروح ورا هناك المساحة بين المكتبة والجدار ضيقة بس تكفيها.. تظل هناك شوي وترجع عادي!

البارحة بالليل.. ظلت تطلع صوت مزعج.. تعضض الحاجز البلاستيكي اللي تتثبت فيه الرضاعة.. طبعا صوت عض البلاستيك مستحيل يخلي أحد ينام.. وأنا كان عندي إمتحان اليوم الصبح! ففتحت لها الحاجز علشان تطلع على أساس بترد

لي اليوم الصبح قبل ما أروح الجامعة.. القفص فاضي.. ومو بس جذي

القفص فاضي وقطعة القطن اللي قلتلكم مخليتها مثل البيت.. بــح!!

مع العلم إنها ماتحركها أبد مجرد تنام فيها حتى لما تدور وتحفر بالنشارة ماتقرب صوب هالقطنة وتغير مكانها أبــد!

ناديت شغالتنا وظلينا أنا وهي ندورها.. ورا المكتبات تحت السرير.. مافي.. وأناديها مالها أثر..

أنا قلت يمكن لحقت اختي لما طلعت للمدرسة وماتت = ( <<<< على طول تشاؤم

بس قلت للشغالة تخلي باب الغرفة مصكوك علشان اذا كانت هناك ماتطلع..

المهم،، رديت الظهر سألتها قالت ماكو أثر ××

رحت أدورها ورفعت الستاير والعفيسة ورا المكتبة المكان ضييق.. مافي حس..

قمت أناديها شوي ولا هي جاية من بعيد تنط لووول

دخلت لها الانبوب مال القفص على اساس تدخل فيه وارفعها لأن يدي ماتدخل،،

المهم رجعتها القفص وصكيت الحاجز وهذي عدت!!

خليتها بالبيت وحطيت لها حبوب وقرنبيط..

ورحت برة ولا أسمع صوت العض مرة ثانية ردت تعض الحاجز! رغم إنها المفروض هالوقت نايمة عز الظهر

المهم رحت لها دخلت يدي.. بالعادة تجي تشمها وتركب..!

بس دخلت يدي ولا هي شاردة وداخله العجلة..! وقامت تبتعد عن يدي كل ما أدخلها..!!

إستغربت أول مرة تسويها حتى أول ماشريتها ماكانت عدوانية وتشرد جذي.. ماعدا إذا أزعجها وهي نايمة تصرخ بس ماتبتعد!

المهم قلت بخليها.. شوي ولا أسمع حسها اختفى قلت يمكن نامت..

نص ساعة تقريبا أطل بالقفص ولا هي إختفت :| :|

عاد هالمرة لا الحاجز ولا الغرفة الصغيرة مبطلة.. كان مبطل الغطا اللي بسقف القفص.. يجوز تكون تسلقت؟!

هالكلام صار العصر وأرد أناديها وماطلعت

للحين مختفية = (

الحين عقب كل هالسرد..

أبي أعرف ليش صايرة عدوانية وتميل للتخشش بالساعات؟؟

أنا ما أحبسها أخليها تطلع كل يوم وترجع عادي ماتاخذ حتى ربع ساعة برة القفص.. تطلع وتدخل

بس اليوم تصرفاتها غريبة = (

مادري شسوي لها ان صكيت الحاجز ماقدرت أنام من الازعاج وان فتحته ماترجع.!

للعلم تراني دورت القطنة "البيت" بكل مكان مالها أثــــر!!

ممكن تفسرون لي تصرفاتها = ( أخــاف تدخل بمكان وتموووت = (

سووري ع الإطالة ×_×●●

13-02-2007, 05:56 PM	#1
Miss lexus girl هاوي نشيط	●● سنـــوو = ( شفيهــآ؟ ●● ●● مســاء الخير شلوونكم، شخبااركم، شحاالكم هاليومين مادري شفيهــآ!! طبعا عقب هالفترة عندي صارت متعودة علي.. ولما أناديها ماتوصل لعندي للحين.. بس تنتبه لاسمها وإذا بالقفص تطلع "تراها مسوية لها مثل البيت بالقطن" بما ان القفص صغيرون ومايكفي بيت.. المهم يعني تميز اسمها أو صوتي بالأحرى وتتلفت وتتقرب شوي المهم،، البارحة طلعتها وظلت على يدي وعضت صبعي ×_× أول مرة تسويها! العضة شوي تألم.. قلت يمكن متضايقة ولا شي فرديتها القفص وأنا عادة.. أبطل لها الغرفة الصغيرة اللي موصولة بممر علشان تطلع وتلف بالغرفة على كيفها وهي متعودة تطلع وترد وتحت القفص مبطلة لها الحاجز اللي كنت حاطة فيه الرضاعة "اختربت وقامت تسرب ماي ××" وهذي تطلع منها مباشرة لتحت على الأرض يعني وتروح تلف.. غالبا ورا مكتبي الصغير.. وتروح ورا هناك المساحة بين المكتبة والجدار ضيقة بس تكفيها.. تظل هناك شوي وترجع عادي! البارحة بالليل.. ظلت تطلع صوت مزعج.. تعضض الحاجز البلاستيكي اللي تتثبت فيه الرضاعة.. طبعا صوت عض البلاستيك مستحيل يخلي أحد ينام.. وأنا كان عندي إمتحان اليوم الصبح! ففتحت لها الحاجز علشان تطلع على أساس بترد لي اليوم الصبح قبل ما أروح الجامعة.. القفص فاضي.. ومو بس جذي القفص فاضي وقطعة القطن اللي قلتلكم مخليتها مثل البيت.. بــح!! مع العلم إنها ماتحركها أبد مجرد تنام فيها حتى لما تدور وتحفر بالنشارة ماتقرب صوب هالقطنة وتغير مكانها أبــد! ناديت شغالتنا وظلينا أنا وهي ندورها.. ورا المكتبات تحت السرير.. مافي.. وأناديها مالها أثر.. أنا قلت يمكن لحقت اختي لما طلعت للمدرسة وماتت = ( <<<< على طول تشاؤم بس قلت للشغالة تخلي باب الغرفة مصكوك علشان اذا كانت هناك ماتطلع.. المهم،، رديت الظهر سألتها قالت ماكو أثر ×× رحت أدورها ورفعت الستاير والعفيسة ورا المكتبة المكان ضييق.. مافي حس.. قمت أناديها شوي ولا هي جاية من بعيد تنط لووول دخلت لها الانبوب مال القفص على اساس تدخل فيه وارفعها لأن يدي ماتدخل،، المهم رجعتها القفص وصكيت الحاجز وهذي عدت!! خليتها بالبيت وحطيت لها حبوب وقرنبيط.. ورحت برة ولا أسمع صوت العض مرة ثانية ردت تعض الحاجز! رغم إنها المفروض هالوقت نايمة عز الظهر المهم رحت لها دخلت يدي.. بالعادة تجي تشمها وتركب..! بس دخلت يدي ولا هي شاردة وداخله العجلة..! وقامت تبتعد عن يدي كل ما أدخلها..!! إستغربت أول مرة تسويها حتى أول ماشريتها ماكانت عدوانية وتشرد جذي.. ماعدا إذا أزعجها وهي نايمة تصرخ بس ماتبتعد! المهم قلت بخليها.. شوي ولا أسمع حسها اختفى قلت يمكن نامت.. نص ساعة تقريبا أطل بالقفص ولا هي إختفت :\| :\| عاد هالمرة لا الحاجز ولا الغرفة الصغيرة مبطلة.. كان مبطل الغطا اللي بسقف القفص.. يجوز تكون تسلقت؟! هالكلام صار العصر وأرد أناديها وماطلعت للحين مختفية = ( الحين عقب كل هالسرد.. أبي أعرف ليش صايرة عدوانية وتميل للتخشش بالساعات؟؟ أنا ما أحبسها أخليها تطلع كل يوم وترجع عادي ماتاخذ حتى ربع ساعة برة القفص.. تطلع وتدخل بس اليوم تصرفاتها غريبة = ( مادري شسوي لها ان صكيت الحاجز ماقدرت أنام من الازعاج وان فتحته ماترجع.! للعلم تراني دورت القطنة "البيت" بكل مكان مالها أثــــر!! ممكن تفسرون لي تصرفاتها = ( أخــاف تدخل بمكان وتموووت = ( سووري ع الإطالة ×_×●● __________________ . м ї ś ś . ł ε x ù ś ģ ĩ я ł . .[. منْـ جِمِيْعْ الْوَرْدْ مَمْزُوجَهْـ . . وبحَلاَةْ الْطِيْبْـ فَوَّاحَهْـ .].