[كاسكو البحرين]

ويقولك المثل بعد...

اللي محتاج أي شي أو تبي تسأل فلا تتردد منتديات 2zoo بالمشرفين والأعضاء خدام إن شاء الله

بس يا ولد الديرة حبيت أوضح لك نقطة بخصوص كلمة ( ترويض )

الترويض هي محطه تمر على الطير من تدريب وتعويد من كل الجوانب + التعويد على الطعام

اخوي الطير اللي مو مروض مايجي من اول يوم على اليد ، يعني الترويض يكون طير ما عاش الحياة مع الإنسان سواء كان طير (فرخ) ولسه طالع على الحياة أو كان طير كبير في العمر عايش في بيئتة الطبيعية وبكون تغير معاه عن طريق الترويض

أخوي من خلال موضوعك السابق والموضوع هذا كل ما تحتاجه هو الصبر وما شاء الله في المنتدى مواضيع كثيرة جداً والجواب هو (الصبر)

وفي لفته حلوه بالنسبة لنا كبشر تقول

البغبغاوات تعيش 50-80 سنة تقريباً

ليش مانعطيها فرصة بين هذه السنوات الكبيرة (سنة وحدة بس )

ركزوا على هذه النقطة جيداً ليش مانعطي الطيور فرصة

نجي الى الطريقة اللي بقولها لك وحاول تجربها مع طيرك وان شاء الله تفيد معاه

طبعاً طريقة الوقوف للطيور هي ان الطير يقف على صبع السبابه ، وقت اللي يقف الطير على صبعك حاول تضغط بشكل خفيف(تقفل على ارجل الطير) بحيث وقت اللي يريد ينزل يجوف ان مقفول عليه من خلال صبعك إنت

دع الطير وانت قافل على رجله لمدة 10-15 دقيقة وانت على هذه الحاله

ثم دع الطير ينزل بتنزيل صبعك على العصى ابتاع القفص او على الارض عشان يعرف الطير ان حان وقت الانصراف بتحكمك عليه

كرر هذه العملية تكرار وان شاء الله راح تجيب نتيجة مع تكرار العملية وبكون طيرك يعرف ويتعلم ان ماينزل الا بإذن منك

اتمنى ردي مو ثقيل عليك وكلامي واضح بالنسبة لك والى جميع الاعضاء

تحياتي لكم جميعاً

كاسكو البحرين