|
رد: ابي اعودها على صندوق الرمل
شوف يا اخي الفاضل
بيلا القطة بتاعتي دوختني في الاول عشان موضوع الرمل دا
كانت بتعمل برة الصندوق كنت اشيل اللي عملته و احطه في الرمل و اخليه تشمه كانت الله يكرمها تدفنه و خلاص و تروح تعمل في نفس المكان اللي عملت فيه في الاول تاني
سالت الدكتور و بصراحة قالي على طريقة الحمدلله ربنا هداها و اتظبطت ما شاء الله
في عند محلات الحيوانات اقفاص مخصصة كده للقطط
تحبس القطة في القفص دا مع الاكل و الرمل لمدة اسبوع كده و هي هاتتعود خلاص على انها تعمل في الرمل بس انا عملت كده و الحمدلله اتظبطت
اهم حاجه صندوق الرمل يكون مناسب لحجم القطة و يكون الرمل فيه كتير مش شوية صغيرين عشان تقدر تدفن براحتها
حاجه كمان لما تتعود على نوع رمل معين بلاش انت تغيره بشكل مفاجئ لازم بالتدريج بمعنى لو انت عاوز تجربلها نوع رمل تاني لازم تخلط شوية من القديم مع الجديد عشان القطة بتكون متعودة على ريحة معينة ما تجيش انت مرة واحدة تغيرها هاتلاقيها مش عارفه تعمل في الجديد و تبدأ تعودها من اول و جديد
اتمنى اكون افادتك لاني كنت باعاني من نفس مشكلتك اول ما جيبتها
|