السلام عليكم

اصيبت كروانتي مادري كيف , لكن اصبعها منقطع نصفه يعني بيطيح

المشكله انها تنزف بقوه من عده ساعات واليوم الجمعه الصيدليات البيطريه ماتفتح في المنطقه اللي انا فيها ,وجربت حطيت عليه بن القهوه وحطيت لها مطهر بيتادين بس مافيه فايده لازالت تنزف , حاليا حبستها لان اذا تحركت يزيد النزيف

اسأل الله اصبعها يطيح وترتاح

وايضا للاسف انها من النوع اللي يفقد شهيته اذا تعب وحاولت اقنعها وحاولت اقرها بس مافي فايده

ترجعه برا , هي انثى عمرها 12 سنه

فنصائحكم الله يخليكم ترها غاليه على قلبي كثيييير واغلى من روحي

كيف اوقف النزيف ؟ وعندكم طريقه لتأكيلها طبعا غير الابره

هذي صورتها ودعواتكم لها الله يجزاكم خير

http://www.m5zn.com/img/?img=c4088f2162a13be.jpg

المشاركة الأصلية كتبت بواسطة أتعبني غلاها (المشاركة 2749415) اول يا غالي ان شاء الله مافي اي خوووف و راح ترجع لك احسن من اول انا اعطيك طريقه احسن من البن والمعقمات و انا شخصيا اسويها لطيوري اللي تنجرح او تصاب اولا : تبخ على منطقة النزيف عطر ليمون ( كلونية ليمون )و اعتقد معروفه او تمسحها بمسحه طبيه ثانيا : لما تولع الفحم و ينطفي يبقى رماد مثل التراب تجيب منه في صحن يكون بارد مو حار ثالثا : تحط منطقة النزيف في الصحن الا فيه رماد و تغطسها في الرماد الين تشوف مافي اثر للدم او النزيف باذن الواحد الاحد النزيف راح يوقف وبالنسبه للطعام لا تخاف راح ترجع تاكل من حالها اذا جاعت تحياتي

المشاركة الأصلية كتبت بواسطة يانكا (المشاركة 2749855) الحمدلله النزيف وقف , بس بشو تنصحني بعد ماوقف استمر بتطهيره المسحه الطبيه والبيتادين ؟ او اخلي الصبع لحاله ينشف ويطيح ؟ وشاكره لك .

المشاركة الأصلية كتبت بواسطة Cocktial (المشاركة 2749863) شافاه الله جدا متألم بصراحه.......يا اخوي ان شاء الله يكون بصحه جدا ممتازه تتوقع من ايش انقطع اصبع طائرك؟

المشاركة الأصلية كتبت بواسطة أتعبني غلاها (المشاركة 2749874) الحممدلله يا غاليه اذا النزيف وقف و سويتي الطريقه اللي قلتلك عليها ما يحتاج تسوي شي ثاني اما ادا النزيف رجع ارجعي سوي الطريقه ما انو النزيف ما راح يرجع ثاني بادن الله بالنسبه للاصبع لا تسوي فيه شي هو يطيح بنفسه واحتمال كبير يكون من الظفر و يرجع يلتحم تحياتي

المشاركة الأصلية كتبت بواسطة يانكا (المشاركة 2749876) انا اختك :D اولا شكرا على الدعاء ثانيا في احتمالين الاول الكاسكو لكني مستبعدته لانه صار له معه 4 سنين وماهو عدائي ومايؤذي حتى البادجي وطيور صقيره الحجم الثانيه مع انهم كلهم برا القفص وماخذين حريتهم مع بعضهم في الغرفه, لكن كل شيء يظل وارد الاحتمال الثاني وهو الاغلب كبر سنه , عندي بلبل عمره فوق 8 سنوات وكان عنده نفس المشكله لكنها ابسط ومن غير نزيف واخذته للاكاديميه البيطريه وقالوا لي طبيعي وكل حين بيطيح منه شيء لانه كبير في العمر وان سبق ومره عليهم نفس حالته مع انه ماشاء الله تبارك الرحمن صار احلى من قبل :D والكروانه كبيره في السن 12 سنه ويمكن نفس الشيء صاير لها .