منتديات تو زوو - في أمل مايموت ؟؟

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

- - في أمل مايموت ؟؟ (http://www.2zoo.com/vb/showthread.php?t=284055)

asala

28-08-2012 07:56 AM

في أمل مايموت ؟؟

،،،، السلام عليكم ورحمة الله وبركاته ،،،،

بعد متابعه طويله للمنتدى قررت اسجل معاكم وان شاء الله نفيد ونستفيد ،،،،

انا اربي طيور من سنتين ولا قدر مر علي ببغاء وتكلم ،،،،

طيور حب وكروان ودره ،،،، :confused:

والان ناويه اشتري الببغاء الافريقي لكن كيف احصل على ببغاء اليف مره مره مره ويكون صغير بالعمر

اشتريت هولندي وثلاث ايام ومات وكانت عيونه سودا ،،،، :(

وش تنصحوني اشتري من نوع يكون اليف ومايموت علي ،، وفي افريقي عاشت مع الناس اكثر من سنتين ؟؟ ،،،،،،،، :rolleyes:

الي مجرب يجاوبني،،،، :p

ابراهيم الردادي

28-08-2012 08:08 AM

رد: في أمل مايموت ؟؟

السلام عليكم
والله انا انفجعت من العنوان طاح قلبي
المهم انصحك مدام انك بالرياض تروح سوق الحمام وهناك تلقا ببغاء متكلم وباسعار جميلة
و افضل شيء انك ما تشتريه من محل اشتريه من واحد رباه و انا على ما اذكر شفت ببغاء كاسكو لونه احمر خفيف
يتكلم ماشاء الله ووالف ومايطير و بصحة رائعة و بسعر ١٥٠٠او ٢٠٠٠ و رحت محل حيوانات لقيت الكاسكو الي مو والف ب١٠٠٠ و كبير بالعمر و سوق الحمام يفتح الخميس و الجمعة وبالتوفيق

Rko0oD502

28-08-2012 10:35 AM

رد: في أمل مايموت ؟؟

حياك الله أختي
ربيت أنا هولندي ما يصبر يموت لأن يبغاله أهتمام بزياده
أفضل تربين أفريقي ويكون عمره 6 شهور وفوق والموت مو بيدينا
لكن الأفريقي يصبر ويتحمل عكس الهولندي
فـ نصحيه أشتري أفريقي وأسعاره متفاوت في شي غالي وفيه شي رخيص
اللي جاهز وأليف ويتكلم يكون غالي

عوافي

بلاك بيري

28-08-2012 10:58 AM

رد: في أمل مايموت ؟؟

هههههههههههه ان كان طموحك هو سنتين فأنا اقولك مع الأهتمام شفنا اخوان لنا عاشت الطيور معاهم 30 سنه

الأفريقي لك حلو او الأمازوني بلوفرونتد خليه يطربك طرب بكلامه ههههههههههه

الأفريقي حاولي تاخذيه اليف جدا ومافيه خوف او جعره ويكون عنده بدايه كلام صدقيني ما راح تتعبي معاه

الأمازوني ما يحتاج لو تقدري تصيديه من السماء بيتعود عليكي وصدقيني بيتكلم وانا انصحك بما اني المبعوث الرسمي لطيور الأمازون انصحك بالبلوفرونتد امازون

تحياتي

Abu-AbdAllah

28-08-2012 02:09 PM

رد: في أمل مايموت ؟؟

فيه طيور كثيره بسوق فيها المتكلم وفيها الغير متكلم وفيها الصغير بلعمر والعكس كذالك
انا انصحك بلكاسكو الافريقي الصيد خذلك فرخ لو مو متدرب انت دربه على يدك اذا كنت ماتبي فيه محلات يدربون لك الطيور
والافرقي الصيد يحتاجله عنايه اقل من عنايت الهولندي
لذالك الخيار الاخير لك ومبروك عليك الطير مقدمآ

لك خالص تحياتي....

old-alkasiko

28-08-2012 05:07 PM

رد: في أمل مايموت ؟؟

أهلا أختي الكريمة في منتدانا , قد يكون سبب موت الهولندي عندك هو أنك شريته وهو مريض أو عدم خبرة منك في العناية وخصوصا طيرك كان فرخ , الطير إللي يناسبك ألحين هو إفريقي صيد يكون فرخ وأليف عشان مايتعبك بالتوليف , إذا تبين طير منطلق بالكلام مالك إلا البلوفرنتد وأنصح فيه بشدة , وسوق الحمام بالرياض فيه أشكال وأنواع , موفقة في الشراء إن شاء الله ..

asala

08-09-2012 07:14 PM

رد: في أمل مايموت ؟؟

أشكركم على تفاعلكم ,,,,,

,,,,, شكرا فردا فردا ,,,,,

محب الكاسكو

08-09-2012 08:16 PM

رد: في أمل مايموت ؟؟

مرحبا اختي انا بفضل تشتري كاسكو عمره بحدود سنه اليف وعنده بعد الكلمات بيكون شوي اغلا

الفيصل9999

09-09-2012 12:59 AM

رد: في أمل مايموت ؟؟

الا اعرفه ان الهولندي حساس ومافى مناعه من الأمراض ....والناس تفضله عشان مايجعر

خذلك افريقى برى وفوق السنه بس اهم شي يكون ولوف

جميع الأوقات بتوقيت GMT +3. الساعة الآن 10:07 PM.