|
اول موضوع ليا ( ساعدوني ومتكسفونيش ) بالصور
بعد التحية اخواني محتاجة مساعدتكم قطتي _ كراميل _ شعرها بيقع في البداية كان بسيط وانا عارفة من خلال قراءتي للمواضيع ان التساقط له اسباب عديدة ولكني لم اخطئ في شئ المهم اشتريت مرهم للفطريات ومحصلش تغيير بالعكس الشعر بيروح اكتر واستخدمت البيتادين ونفس الموضوع الغريبة اني مش ملاحظة وجود فطريات ولا بقع بلون وردي او ما شابه ولكن اليوم دققت النظر فوجدت في قدمها الخلفية بداية تساقط وامسكت باحد الشعرات فاذا بها تحتوي على نقط بلون بني غامق من مكان خروجها وهذه النقط الغريبة لم تمسك بباقي الشعر ومن وقتها وانا قلقانة اوووووي ومش عارفة اتصرف حد يساعدني ويعرفني ايه دا ايه علاجه ؟؟؟؟؟؟ لاني بردو بخاف من الدكاترة في الوحدة البيطرية بحس انهم مبيعملوش كل حاجة ومفيش عيادات عندنا وقطتي علطول عندها انتفاخ بتعمل اسهال كتير وبتاكل كتير وجسمها بينزل انا كلمت الدكتور الوحدة قالي فطر نوعه مش بيظهر وهيديها حقنة بكرة بس انا قلت اسألكم لاني شاكة انها ديدان وفيه حاجة كدة اكرمكم الله يعني هي قطتي بقت تعمل غازات كتير فياريت تفيدوني :( فساعدوني جزاكم الله كل خير صورة الذيل [COLOR="rgb(47, 79, 79)"]دا طبعا بعد ما فضلت يومين انظفه بالبيتادين والديرماتين عشان الفطريات [/COLOR] http://www10.0zz0.com/2012/06/25/21/809189675.jpg |
رد: اول موضوع ليا ( ساعدوني ومتكسفونيش ) بالصور
اهلا بيكى ياقمر معانا
واضح ان قطتك عندها فطريات ولازم تستخدمى علاجات معينه يعنى لازم تحميها بشامبو نيزورال وتنشفيها كويس جدا وتدهنى ليها بيتادين وبعدين تستخدمى مرهم بنزانيل كل الحاجات دى من الصيدليه البشريه ولازم تعرضيها الصبح للشمس وتطهرى كل مكان بتقعد فيه بالديتول وتلبسى فى ايدك جوانتى وانتى بتعالجيها ممكن فعلا يكون سبب الانتفاخ وكثره الاكل والاسهال الديدان الافضل تديها جرعه الدوار اسمه بنداكس لاطفال من الصيدليه البشريه اديها 3 سم مره فى اليوم لمده 3 ايام ونشوف النتيجه لو فضل الانتفاخ والاسهال نكتبلها عللى حاجات تانيه |
رد: اول موضوع ليا ( ساعدوني ومتكسفونيش ) بالصور
كم عمر القطة في الصورة فقط ل الافادة
|
رد: اول موضوع ليا ( ساعدوني ومتكسفونيش ) بالصور
ربنا يخليكي يا شاهيستا
المنتدى منور بوجودكم انتوا والله بس انا دلوقت احترت على فكرة انا واخدة الصورة دي وقت ما حطيت البيتادين بس الجلد لونه وردي عادي جدا وطبيعي بدون وجود اي نوع من الفطريات طيب يعني دلوقت دي فطريات واللا ديدان :( |
رد: اول موضوع ليا ( ساعدوني ومتكسفونيش ) بالصور
اوكتوبوس شكرا لاهتمامك
القطة لم تكمل الشهرين |
رد: اول موضوع ليا ( ساعدوني ومتكسفونيش ) بالصور
الفطريات فى الديل
اما الاعراض التانيه ممكن تكون ديدان ولو هتديها علاج للديدان كفايه 1 سم فى اليوم مادام لسه كيتن طب ايه طبيعه الاكل الى بتاكله ؟ |
رد: اول موضوع ليا ( ساعدوني ومتكسفونيش ) بالصور
باكلها بيض مسلوق
وفراخ وجبنة مثلثات ومش بحب اكل الدراي فود لاني اعرف انه مع الزمن بيكون مسرطن طيب ليه يا شاهيستا فطريات مش بردو الديدان بتعمل تساقط في شعر القط ؟؟؟؟ معلش انا طولت عليكي وتقلت اوووي بس لاني خايفة اوووي عليها وعارفة ان الفطريات موالها طويل ومش عاوزة اتسرع عشان حقنة بكرة دي وبجد كتر خيرك بجد مشكورة متابعتك وردودك السريعة يسلمووووو |
رد: اول موضوع ليا ( ساعدوني ومتكسفونيش ) بالصور
فيه عندي كمان سؤال
هي قطتي فيه فطريات في اذنها وبتهرش دايما دي ممكن لما بتهرش بتنتقل لجلدها وتعمل كدة واللا ايه ؟؟ ولو كدة اعالج ودنها دي ازاي ؟؟؟؟؟؟ |
رد: اول موضوع ليا ( ساعدوني ومتكسفونيش ) بالصور
الاكل كويس
بس القطه الى فيها دة مش تساقط طبيعى لو من الديدان هتلاقى فى تساقط فى شعرها كله وحاجات بسيطه مهما كترت مش هتسيب فراغ كبير كدة لكن الفراغ فى الديل كبير جدا ولازم ليه علاج سريع |
رد: اول موضوع ليا ( ساعدوني ومتكسفونيش ) بالصور
خلاص يبقى هوديها بكرة عشان تاخد الحقنة اللي الدكتور قال عليها
و ربنا يسترها بقى دا حتى قال اجيب اخوها كمان عشان ممكن يكون خد العدوى منها بس اللي محيرني جتلها ازاي وانا محافظة عليها انا عارفة طبعا ان الفطريات موجودة في كل مكان وبس محتاجة ظروف مناسبة بس زعلت اول لما حصل كدة لاني بحافظ عليهم جدا عموما شاهستا مشكورة والله انك ساعدتيني وربنا يقدرني واردلك المساعدة بس في ظروف احسن بكتير ان شاء الله جزاكي الله كل خير |
| جميع الأوقات بتوقيت GMT +3. الساعة الآن 08:29 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو