|
كيوي تكفون اقروا وجاوبوني
مرحبا اخواني
ان شالله تكونوا بخير بموضوع سابق ذكرت اني احتمال اودي كيوي الملجأ بس لما اتصلت فيهم قالولي انهم ممكن يقتلوها ولو حابة تشوفي الدكتور الي عندنا فيا مرحبا وما قصرت رحت لعندهم والدكتور ما شالله عليه فحصها وقالي الصدمة كيوي ما تعاني من شي اسمه فطريات دائمة هي عندها حساسية ولازم انا اكتشف شو سبب الحساسية :confused: وطمني انها ما تعدي :) وعطاها ابرة وقالي كل الي كنت اساويه غلط (موضوع كل 6 اشهر ابرتين للفطريات ) الله يسامح البيطري الي كنت اسير له :mad: المهم من مدة وطالبة التزاوج وانا ما زاوجتها بس في الاخر وجعت لي راسي فوديتها تتزاوج المهم ضلت 5 ايام برا البيت ويوم ردت ردت بدون صوتها :wao::( صوتها خشن ومختفي كنه صايبها نزلت برد بس بدون رشح وبدون اي شي ثاني ولما تبلع في ريقها احس بصعوبة تبلعه والله مرة زعلانة عليها مع انها شهيتها مفتوحة وما في اي اعراض ثنية عليها ولما كنت اقرا بموقع اجنبي قريت انه يمكن يكون فايروس انا الحين اطعميها عسل ولبن اخلطهم مع بعض وبالسيرنج اطعميها 2 مل تقريبا باليوم 3 مرات او اقل بس هل هذا يكفي ولا اوديها البيطري احسن؟ |
رد: كيوي تكفون اقروا وجاوبوني
وديها البيطري احسن من الي رحتي له ممكن فيروس زي ماقلتي انتقل لها من العدوى
|
رد: كيوي تكفون اقروا وجاوبوني
اعطيها زبادي ما يكون بارد مع عسل حاولي تسلقي لها دجاج وفتتيه وقربيه منها يمكن تاكل .. بعض القطط لما ترجع من التزاوج يكون فيه بحه بالصوت او صوتها زي ما تقولين رايح ممكن كانت تماوي كثير قبل كذا وان شاء الله الاعضاء يفيدونك اكثر :)
|
رد: كيوي تكفون اقروا وجاوبوني
السلام عليكم ورحمة الله وبركاته
يفضل توديها البيطري الي سرتي عنده اخر مره تقبلي مروري متواضع |
رد: كيوي تكفون اقروا وجاوبوني
السلام عليكم ورحمة الله وبركاته
اهلا وسهلا فيكي اتطمني ان شاء الله خير بعض القطط في مرحلة التزاوج بتماوي وبتصرخ بصوت كثير عالي وانا قطتي كذا واذا انتهت فترة التزاوج احصل صوتها مبحوح هالشيء طبيعي اسبوع ويرجع صوتها قوي مثل اول واذا القطة اكلها سليم واخراجها سليم وماعندها حرارة وماتكح او تعطس معناها مافيها الا العافية ولو مانتي متطمنة روحي للبيطري |
| جميع الأوقات بتوقيت GMT +3. الساعة الآن 01:35 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو