|
الحقوني قبل تموت قطوتي ...
السلام عليكم ورحمة الله وبركاته ...
حبيت اسالكم احد الكيتنز تتنفس من فمه ... ماادري وش قصته وعينه معمية كنت كاتب موضوع عن عينه بس مشكلة التنفس وش اسوي فيه وهي عمره شهر واسبوعين تقريبا والمشكلة انه مامعه سعال يعني الانف مو مسكر بس تتنفس مع فمه وفيه شوي لعاب يطلع ... |
رد: الحقوني قبل تموت قطوتي ...
وعليكم السلام ورحمة الله وبركاته
مُمكن قطّك يُعاني من الزّكام وهذا اللّي سبب له انسداد فِـ فتحة الأنف وصار يتنفّس من الفم فقط ! حاول تتأكّد هل يُعاني من الزّكام أو لا .. وإذا كان زكام فـ الأمر سهل ان شاء الله .. بس زي ماقلت لك تأكّد قبل هل يُعاني من زكام عشان نقدر نحدّد لك العلاج اللّازم والله يششفيه |
رد: الحقوني قبل تموت قطوتي ...
وعليكم السلام ورحمه الله وبركاته
الله يشفيه اول شي تاكد من الانف متقفل او لا وكمان الحراره لو الانف متقفل جرب تقرب منه بخار مويه شويه وبعدين امسح انفه عشان الافرازت اللي مقفله تطلع واللعاب بكميه كبيره اولا؟ |
رد: الحقوني قبل تموت قطوتي ...
لا مافيه زكام ومو مقفل زي ماانا كاتب بالموضوع فوق ^^^ ...
وديته للبيطريين بس مايفهمون بالقطط اعطاني مضاد لالتهاب الجهاز التنفسي ابر بس انا ماقدرت ادقه ابره ومااعرف قال اعطه عن طريق الفم واعطيته بس انا مانيب خايف من الجهاز التنفسي اخاف يحوشه التهاب بالفم عشانه تتنفس من الفم ... وجربت اعطيته بخار فيكس هم مانفع ... اشغلتني بالاختبارات تكفووون ابي حل ... ونسيت ماعليها حرارة وتلعب احياناً ... وصح نسيت بعد اللعاب بكمية قليلة ... |
رد: الحقوني قبل تموت قطوتي ...
لاتعطيها ابره
جرب البيتاموكس احسن واضمن وكمان مايضرها اعطيها ربع القطاره كل 12 ساعه والله يوفقك باختبارتك |
رد: الحقوني قبل تموت قطوتي ...
مشكورة عالرد والله يوفقك ...
المشكلة ماحصلت بيتاموكس وانا قريت عن هذا الابر كثير ناس يمدحونه ... بس ابي سبب المشكلة ايش هي ؟؟؟... |
رد: الحقوني قبل تموت قطوتي ...
اي فعلا البيتاموكس انقطع من السوق من اسبوع !!
بخصوص قطك ..اذا كان تنفسه فقط من الانف ..بيكون احتمالين : اما تعرض لسقطه او ضربه شديده على مقدمه الانف . او يكون عنده بدايه زكام ولاتظهر الاعراض الا انسدلد في الانف او سيلان شديد. من خلال الوصف لايمكن استنتاج الحاله ابدا .. لابد من الكشف الدقيق من بيطري متمرس . او ضع لنا فيديو يوضح طريقه تنفسه من فمه وان شاء الله افيدك اكثر بخصوص العلاج. وابره الالتهاب ياليت تكتب اسمها باللغه الانجليزيه حتى افيدك اخي الكريم. |
رد: الحقوني قبل تموت قطوتي ...
مشكورة اختي ناديا ...
اي والله منقطع واعتقد تقصدين اذا كانت تتنفس من الفم فقط ... مدري والله بس يوم اعطيته المضاد الحمد لله تتنفس على خفيف من فمه ... هي ابر بس قال عشانه صغيرة وماتعرف تدق ابرة اعطه عن طريق الفم ... واسمه spectylo ... قال اذا مانفع جيب لي العلاج واعطيه ياه بابره ... |
رد: الحقوني قبل تموت قطوتي ...
اخي الغالي
علاج spectylo هو مضاد حيوي خاص بالحيوانات الكبيره كالابقار والجواميس ويستخدم ايضا للطيور ولاكن نادر مايستخدم لعلاج القطط . لانه مكون ثقيل ويحتاج الى وزن القط لمعرفه الجرعه الصحيحه والقطه صغيره جدا بالعمر والابر تؤثر عليها سلبا ! من رايي توقف الابر وتعطيها علاج بالفم افضل وامن لها . اشتري لها علاج ايموكس واختار اقل غرام منه والمخصص للرضع ..موجود في الصيدليه البشريه واعطيها منه مقدار اربع قطرات بالفم مره يوميا بعد وجبتها . واستمر على العلاج 5 ايام مع تنظيف الانف بقطنه وماء ومسحه يوميا . وان شاء الله تتعافى . |
رد: الحقوني قبل تموت قطوتي ...
مشكورة عالرد ...
والله مادريت انا قريت انه عادي للقطط ... لانه مكتوب عليه دام السالفة كذا بانطلق للصيدلية من الحين وبشتري ايموكس ... والله يعطيك العافية واسف تعبتك معاي ... |
| جميع الأوقات بتوقيت GMT +3. الساعة الآن 12:12 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو