|
سداح وش جرالك ياصاحبي
[IMG][/IMG]
السلام عليكم ورحمة الله [/CENTER]ادري قفلت معاكم من كثرة الاسئلة الغثيثه (زي السؤال الي ابطرحه :12: ) بس وش اسوي مالي دبره غيركم الزبده اشتريت كاسكو قبل اسبوع وش حليله وسميته سداح :shy: :88: وسداح طبعاً مايجعر ابداً الا اذا حاولت تمسك راسه هو ملحوس يعني الي اشوفه ان اول شي لتدريب الطير تمسح على راسه بعدين يطلع على يدك !!! هذا حول عكس الايه يطلع على اليد ماعنده مشكله بس لاتمسك راسه كنه واحد عربجي اعرفه يموت ولاتمسك طاقيته الربع الي كنها غطا مويه بريال :12::12: الحين الملحوس الحول الي عندي سداح وش اسوي فيه ابغى امسك راسه ابغى احسسه بالحنان المكبوت في صدري :88::88: يرحم لي شيبانكم افيدوني ودمتم برعاية الله وحفظه |
رد: سداح وش جرالك ياصاحبي
لــه اسبوع .. اصبرله ..
حبه حبه تبدا المحبه :D |
رد: سداح وش جرالك ياصاحبي
ماشاء الله تبارك الله
الله يبارك لك فيه ذكرتني بولد عمي زمان الله يرجك يموت في الطواقي ويعطف يده على جمب ويسحب الشرقيه برجوله الله يكرمكم .. خلنا في المهم انت تقول يجعر اذا بتحكه طيب وين المشكله ؟؟خله يصيح لمن يجيله شد عضلي مع الوقت يتعود عليك ويعرف انك تمد يدك عشان تحكه هو يتوقع منك الاذيه لانه جديد ...واذا جيت تحكه خل حركة يدك بطيئه ولاتكون مفاجئه له ..عشان لايخاف .... |
رد: سداح وش جرالك ياصاحبي
هلا اخوي ماشاء الله بغبغاء افريقي حلو ولونه فاتح الله يحفظه لك ان شاء الله , بعض البغبغاوات تتظايق اذا احد لمس راسها وهذا شيء طبيعي والطير لسه جديد عندك اصبر عليه وطول بالك وان شاء الله مع مرور الوقت الوضع راح يتغير والبغبغاء الافريقي حساس وحذر واذا حاول تكن حركات يدك هادئه امامه ,
|
رد: سداح وش جرالك ياصاحبي
تقريبا كل الطيور ما ترضى مسح الراس
والحل انك تطلعه على ايدك وتحطه عند صدرك وامسح بسرعه بسرعه يوم يومين 3 4 5 6 7 8 9 بعدين راح يتعود عليك تحياتي *فواز* |
رد: سداح وش جرالك ياصاحبي
جزاكم الله خير وانا ابصبر معاه والي يبي يشتريه تراه للبيع اليوم شفت واحد يتكلم وانقهرت
واذا فيه احد بالدمام يدربه لي ولا يشوفه ويعطيني نصايح بيض الله وجهه |
رد: سداح وش جرالك ياصاحبي
اقتباس:
اغلب الكاسكوات .. الغير محجله .. تجيك كبيره بالعمر .. واذا لقيت فرخ بيكون شرس جداً خليـــه عندك .. وتراهـ بس قعد عندك اسبوع ... وحلو انه يركب على يدك .. لاتستعجل الله يحفظه لـــك |
رد: سداح وش جرالك ياصاحبي
سداااااااااااااااااااح محتاج تجيب له عربجية معه
|
رد: سداح وش جرالك ياصاحبي
الله يبارك فيك ياخطاب بس عندي مشكله توها طلعت اليوم من بعد ماسمعت شور ابو ريم الله يجزاه الجنه
يقول لي امسك راسه وخله يجعر لين يجيه شد عضلي عاد انا قلق ومن بعدها صرت اجي عند سداح واقوله بابا يجعر بوجهي وش اسوي هل انا ماشي في الطريق الصحيح افيدوني |
رد: سداح وش جرالك ياصاحبي
اخوي الله يحفضه لك
الافريقي خاصتاا و اببغائات عامتاا لا تعااند ابد لنه اذا عانت يعاند اكثر تعاله بي السياسه دامه يطلع على يدك وماله اسبوع شي كويس لنه اكثر الطيور اذا جا واحد ما يعرفه يتردد ويمكن يقلب 100% يعني يصير غير اليييف وترجع تولف من جديد خلك على ما قالو الاخوه بصبر كل شي يجي وطيرك وتوه فرخ يعني يتدرب بسرعه اذا تبي تحك راسه طلعه على يدك ويدك الثانيه تجي ماشيه 0.002 كيلو متر بي الساعه ابطء شي عندك كل ما صارت حركت اليد بطيئه احسن لنه اول شي يكون خايف وي قول بقلبه اكيد بي سوي شي ومن ذا الاكلام حط يدك على المنقار اذا امداك لمس على خفيييف بس علشان يعرف انك منت ماذيه ويعرف ريحت يدك بعد خلك على هل الحركه كم يوم بعدها مثل ما قال اخوي فواز حطه على صدرك وبشوييش تعاال لم راسه ولا تحاااول ولا تفكر انك تجي جنب الذيل اذا لمست من غير قصد بتجيك عضه ماااشيه 120 وانشاء الله تكون استفت وفي مواضيع لو تدور في المنتدى بخصوص الحك على الراس تحياتي |
| جميع الأوقات بتوقيت GMT +3. الساعة الآن 12:08 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو