|
جرح عند اذن القطه--والاهل يقولون بيقطونه لو ماراح الجرح-تكفوووون حل
السلام عليكم ورحمه الله وبركاته
بسم الله الرحمن الرحيم انا حاليا مشكلتي عويصه المشكله بدت اول ما حلقت الشعر الي عند الاذن علشان انذفها عن الفطريات وبعد مانضفتها قام القط وشمخ المكان الي محلق منه الشعر وصار في جرح وهذا الجرح كل ما تجمد = التئم يقوم يشمخه ويطل دم مره ثانيه حطيت عليه لزقه قام قطعها حطيت لزقه وقطنه وشلها وحطيت لفاف وشاش وشلها جيت فكرت فكره غبيه قلت خل احط كرتونه والزقها كرتونه قطعه صغيره يعني لزقتها وتمام جلست يومين وانا مستانس لاكن اليوم جا جمبي وشميت فيه ريحه خايسه قمت فكيته اللزقه شليت اول لفه لقيت في قي=يعني ماي ريحته خايسه وبطلت اللزقه لقيت الجرح مش ملتئم بل كأنه التهب مدري التهب ولا لا بس ماكان ملتئم رحت خذيت نشاف فيه ماي ونضفت الجرح كله وصارت ريحته عدله بس الحين تكفون تكفون تكفون ابغى اعرف مكان الجرح راح يطلع شعر لأن شكله بدون شعر مش عدل والاهل يقولون مقرف وابغى اعرف كيف اخليه مايشمخ الجرح تكفون جواب لأن انا اهلي مايطيقونه و ما اقدر اوديه البيطري يقولون مانركبه السيارة ولو فيه شي فتح باب الشارع وخله يروح بحال سبيله علشان كذا تكفون ابغى اعرف هل يبيعون شي يخليه مايشمخ الجرح |
رد: جرح عند اذن القطه--والاهل يقولون بيقطونه لو ماراح الجرح-تكفوووون حل
اهلين
قصدك قيح اللي هو صديد لازم تعقم الجرح ببيتادين او اي مطهر بالنسبه عشان مايحك فيه زي الطوق يلبسوه القطط (دايما اشوفه بالصور يلبسوه الكلاب)عشان ماتلحس الجرح او تحكه بس مادري متوفر عندكم اولا |
رد: جرح عند اذن القطه--والاهل يقولون بيقطونه لو ماراح الجرح-تكفوووون حل
ضروررري تضع صوره للجرح الموجود على القطه بوقت سريع حتى افيدك بالعلاج ..
انتظرك |
رد: جرح عند اذن القطه--والاهل يقولون بيقطونه لو ماراح الجرح-تكفوووون حل
هلا اختي انا صورت صورة بس المشكله ماقدرت اجيبها على اللاب توب
بشوف طريقة احطها باجهاز |
رد: جرح عند اذن القطه--والاهل يقولون بيقطونه لو ماراح الجرح-تكفوووون حل
الصور
http://www.2zoo.org/get-4-2011-2zoo_org_1bff77dk.jpg http://www.2zoo.org/get-4-2011-2zoo_org_0yenial2.jpg الرمادي هذا شعر توه طالع والجرح مش احمر كذا لونه وردي بس من الفلاش بين كذا |
رد: جرح عند اذن القطه--والاهل يقولون بيقطونه لو ماراح الجرح-تكفوووون حل
شمخ الجرح مرة ثانيه
لو سحتوا لو الحين طاب الجرح بيطلع مكانه شعر ولا لا ؟ |
رد: جرح عند اذن القطه--والاهل يقولون بيقطونه لو ماراح الجرح-تكفوووون حل
ضروري تعقم مكان الجرح ببيتادين وبدون تخفيف بالماء..خليه مثل ماهو مركز
وبعد البيتادين لاتضع عليه اي رباط او لصقات حتى ينشف الجرح تمام والافضل انك تضع على رقبه القط طوق الامان ..موجود في كل محلات الحيوانات وهو يمنع وصول القط للراس او حكه .. |
رد: جرح عند اذن القطه--والاهل يقولون بيقطونه لو ماراح الجرح-تكفوووون حل
هلا اختي انا الحين ماعندي بيتادين لاكن بكرة بشتري
بس في مسحه طبيه الي هي http://www.medictinedic.com/newimages/a1028.jpg اقدر استخدمها ولا انتضر لين بكرى واشتري البيتادين وماجوبتي على سؤالي هل راح يطلع شعر مكان الجرح |
رد: جرح عند اذن القطه--والاهل يقولون بيقطونه لو ماراح الجرح-تكفوووون حل
لا المسحه تحرق بتوجعها بقووه
ان شاءالله بكرا استعمل البيتادين وان شاءالله الشعر بيطلع انت حاول تشوف فيه منابت الشعر والا لا لوفيه صغار بيرجع |
رد: جرح عند اذن القطه--والاهل يقولون بيقطونه لو ماراح الجرح-تكفوووون حل
مشكورين على الردود والله فكيتوا ازمه
الله يجعلها في ميزان حسناتكم ان شاء الله ^^" |
| جميع الأوقات بتوقيت GMT +3. الساعة الآن 11:49 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو