منتديات تو زوو - الخشب الحجري ( صور + شرح + تعليم ) ...

منتديات تو زوو (http://www.2zoo.com/vb/index.php)

- البومات صور الببغاوات (http://www.2zoo.com/vb/forumdisplay.php?f=107)

- - الخشب الحجري ( صور + شرح + تعليم ) ... (http://www.2zoo.com/vb/showthread.php?t=203799)

الخشب الحجري ( صور + شرح + تعليم ) ...

http://www.2zoo.org/uploads/14158075471.gif

... السلام عليكم اخواني ...

حبيت اليوم اطرح عليكم موضوع مهم نسبيا . لجميع الأعضاء ...

... الخشب الحجري ...

الخشب الحجري عباره عن غصن او جذع او ساق شجره كبيره في عمرها . ماتت وتكسرت وتحفرت
معضم اجزائها . وبفضل عوامل الطبيعه ( الشمس . الماء . التربه . الزمن ) اصبحت اشكالها مثل الحجر . ووزنها قريب من وزن الحجاره ...

سألت بعض مربين الأسماك سؤال عن الخشب الحجري ...
ايش فايدة الخشب المتحجر في الحوض ؟

قالو لي يعطي مضهر وحلو شكله في الحوض ...

اخواني كلامهم صحيح لكن ... السبب الرئيسي وفايدة في الحوض انه يساعد على تكملة دورة النيتروجين في الحوض

((( وبمعنى اخر توازن الأمونيا و النتريت و النترات في الماء ))) ...

بعض الأخوان يشتري له حوض . وحط فيه الأكسسوارات وحط الماي وبعدها راح يحط السمك . هذا شي خطير جدا على السمك ... ماهو كله ولكن . فيه بعض الأسماك لا تحطها في الحوض الى بعد 3 اسابيع

(( مثل الجورامي او الكات فيش ))

وبعضها بعد شهرين

(( مثل الديسكوس او الأنجل )) ...

لأن دورة النيتروجين في الماء باقي ما اكتملت . وبعض الأسماك ما تتحمل الشي هذا ..

و الأفضل انك تحط سمكة دائما ما تعيش فوق . وحركيه في الحوض . وتتحمل ...

(( مثل الجوبي . البلاتي . الجولدن فيش )) ...

و السبب في كذا . هو انتشار الأمونيا في الحوض

((( مثل ما تلاحظ الفلتر لمن تتجمع عليه الأوساخ . هذي امونيا وبكتيريا ))) ...

نرجع لموضوع الخشب الحجري . خليني الحين اشرح لكم بتفصيل .. كيفية وضع الخشب الحجري في الحوض ...

[COLOR="rgb(75, 0, 130)"]

لمن تشتريه من المحل طبعا بيكون ملوث وشي من هذا القبيل .. و انت الي عليك انك لمن تشتريه تروح البيت وتسوي الي راح اعلمك عليه الحين ...

انت اشتريت القطعه الخشبيه وجبتها في البيت . وهذي هي صورة القطعه الخشبيه ...

[/COLOR]

http://dc201.4shared.com/img/bcH75e6.../DW_online.jpg

http://dc537.4shared.com/img/bqCATZX...760787/DW1.jpg

الحين راح تحتاج بعض الأغراض البسيطه الي راح تستخدمها في تنضيف القطعه . وهي ...

[COLOR="rgb(139, 0, 0)"]... الدلو حق الصبغ . بشرط يكون نضيف ولا فيه اي شوائب من مادة الأصباغ ...
[/COLOR]

http://dc502.4shared.com/img/xfTA43H...088112/DW2.jpg

[COLOR="rgb(139, 0, 0)"]... فرشة اسنان ...
[/COLOR]

http://dc522.4shared.com/img/R-CS2tg...759587/DW3.jpg

[COLOR="rgb(139, 0, 0)"]... ملعقه صغيره ملح طبيعي ...
[/COLOR]

http://dc533.4shared.com/img/ge7GyBJ...036446/DW5.jpg

[COLOR="rgb(139, 0, 0)"]... صحن ( طاسه ) يوضع فيه الملح وماي حار ((( يفضل ماي حار ))) ...
بعدها حرك الملح حتى يذوب كليا ...

مثل الي في الصورة ...[/COLOR]

http://dc524.4shared.com/img/Qta1RCy...956244/DW4.jpg

[COLOR="rgb(139, 0, 0)"]والحين استخدم الفرشه ونضف فيها القطعه . في كل مكان .
[/COLOR]

بعدها . خذ القطعه واغسلها بالماي الحار (( ابتعد عن اي مواد كيميائيه مثل الصابون وغيره ))

واخيرا املاء الدلو بالماء الدافئ . ودخل القطعه داخل ...

http://dc527.4shared.com/img/uYub1H7...369836/DW6.jpg

[COLOR="rgb(139, 0, 0)"]راح تلاحض ان القطعه جزء منها يطفو ... الي عليك تسويه انك تطيب اي شي ثقيل
[/COLOR]

((( حجر او كيس مملوء ماي . وتحطه فوقه بحيث ينزل تحت ))) ...

واصبر له 3 ايام او 4 ايام وانشاء الله راح تنزل الخشبه
[COLOR="rgb(139, 0, 0)"]

(( راح تلاحض ان وزنها سار ثقيل شوي . لأنها سارت مشبعه بالماي )) ...

[/COLOR]

ارجو افدتكم بموضوعي . وانشاء الله الكل يستفيد ...

شكرا لكم ...

واي سؤال انا حاضر ...

*** لا يسمح بنقل الموضوح الى بعد الأستئذان من صاحب الموضوع ***