منتديات تو زوو - انا جديد في عالم الاسماك وابي الفزعة

الصفحة 1 من 2

عرض 40 مشاركات من هذا الموضوع لكل صفحة

منتديات تو زوو (http://www.2zoo.com/vb/index.php)

- قسم هواة القطط (http://www.2zoo.com/vb/forumdisplay.php?f=33)

- - انا جديد في عالم الاسماك وابي الفزعة (http://www.2zoo.com/vb/showthread.php?t=183838)

7moody *_^

02-10-2010 05:23 PM

انا جديد في عالم الاسماك وابي الفزعة

السلام عليكم
انا احب الاسماك وحاب اسوي عندي في البيت حوض حلو وشكله جميل :12:
وانا بصراحة جديد و مافهم بالسمك بس عندي معلومات سطحية بسيطة
المهم انا ابي اخذ نصايحكم يعني كم حجم الحوض وانواع الاسماك اللي اجيبها والتجهيزات الثانية مثل الاحجار والنباتات الي احطها بالحوض وطريقة التكاثر
واهم شي ابغا ارخص محل مختص بالاسماك بالرياض لاني رحت لفيفا و واحة الحيوان لقيت اسعار احواض تروع :wao: هذا غير اسعار السمك
واخر شي ودي تعلموني بحكم الخبرة كم راح يكلفني المشروع الصغير هذا:D

Dr Khaled

02-10-2010 05:54 PM

رد: انا جديد في عالم الاسماك وابي الفزعة

أخي الأسماك لازم تقرأ عنها و تعرف حاجياتها و متطلباتها و بعدين تقرر أي نوع يعجبك لكن في البداية أنصحك بتشكلية الجوبي و الجورامي و المولي و السوردتيل و البلاتي و البليكوستومس لأجل التنظيف مع إضاءة جيدة و أرضية حصى ناعمة و فلتر بقياس مكافىء لحجم الحوض و سخان
و شبكة
و الحوض جاهز أو تركيب و شو قياسه و النباتات ما أنصحك تقوم فيها لوحدك كونها تريد تمرس و يمكنك إستخدام البلاستيكي يفي بالغرض أيضاً

7moody *_^

02-10-2010 05:57 PM

رد: انا جديد في عالم الاسماك وابي الفزعة

اقتباس:

المشاركة الأصلية كتبت بواسطة Dr Khaled (المشاركة 1759833)

الف شكرلك بس حبيت اعرف كم مقاسات الحوض وكم بيكلف تقريبا

انجل مان

02-10-2010 06:26 PM

رد: انا جديد في عالم الاسماك وابي الفزعة

شوف عزيز ..

دامك بالرياض .. ابيك تنسى شي اسمه واحه الحيوان وفيفا اطلاقا !؟؟

روح على طوول على شوق الحمام اللي بالعزيزيه .. وهناك تلاقي ملياااااااااان محلات اسماك زينه وانواع واشكال ..

وحتى الاحواض رخيصه رخص التراب ..

المهم .. انت خذ لك اولا .. حوض على قد ميزانيتك .. + فلتر باوره هيد + سخان + شبك + رمل ونباتات بلاستيكيه وديكور على ذوقك

وارجع البيت .. ونضف الحوض وحط الديكور وعبيه مويه وشغل الفلتر والاضائه ..

وبعدها .. صور الحوض لنا .. وانا امشي معك خطوة خطوة عشان نختار السمك اللي تبيه .. وبعدها تروح تشتري ..

بس هاه انتبه .. مو تروح وتشوف الاسماك وتشتري منهم .. انصحك من الان لا تاخذ ولا شي . عشان التوافق .. وما تتبهذل وتكره التربيه من اولها ..

لان كثير من الاعضاء يروح ويشتري ويحوس الدنيا .. وبالخير يجي ويقول اسماكي ماتت او اسماكي يتضاربون ..

فنصيحه مني لك .. تاخذ فقط اللي قلت لك عليه .. وارجع وركب كل شي ..

وبعدها صور الحوض .. عشان نختار لك السمك المناسب ..

7moody *_^

02-10-2010 06:31 PM

رد: انا جديد في عالم الاسماك وابي الفزعة

اقتباس:

المشاركة الأصلية كتبت بواسطة انجل مان (المشاركة 1759888)

شوكرن جزيلا لك صح انا اسمع عن سوق الحمام وابك توصفه لي اذا ماعليك امر:D
وكم اسعار الاحواض تقريبا بسوق الحمام
وباقي شي شكلك نسيته مضخة هواء

abu7rb

02-10-2010 06:36 PM

رد: انا جديد في عالم الاسماك وابي الفزعة

اقتباس:

المشاركة الأصلية كتبت بواسطة 7moody *_^ (المشاركة 1759898)

مخرج 21 وإنت رايح لحاير شفه على يسارك ديور له

abu7rb

02-10-2010 06:37 PM

رد: انا جديد في عالم الاسماك وابي الفزعة

الأحواض تبدأ من 35 ريال وتوصل إلى 5000 ريال إختار اللي تبي منها

7moody *_^

02-10-2010 06:50 PM

رد: انا جديد في عالم الاسماك وابي الفزعة

اقتباس:

المشاركة الأصلية كتبت بواسطة abu7rb (المشاركة 1759909)

مخرج 21 وإنت رايح لحاير شفه على يسارك ديور له

يعطيك العافية حبيبي بس هذا بعيد علي مرة انا ساكن بشرق الرياض انا سمعت ان فيه واحد بالديرة عند المحكمة الكبرى هل هذا صحيح واذا كان صح ابي وصفة بالظبط ويعطيك الف عافية

abu7rb

02-10-2010 07:02 PM

رد: انا جديد في عالم الاسماك وابي الفزعة

أحسن شوي سويته عموما إنك كتبت قبل تشتري شي
وانجل ماقصر عرض عليك خدمه حلوه وهي التنسيق في كل شي
بالنسبه لأقرب شي لك

شف خريص في محلات رخيصه .. بس أرخص شي سوق الحمام ويستاهل تروح له .. بيوفر عليك فلوس واجد

7moody *_^

02-10-2010 07:20 PM

رد: انا جديد في عالم الاسماك وابي الفزعة

اقتباس:

المشاركة الأصلية كتبت بواسطة abu7rb (المشاركة 1759965)

يعطيك العافية انت وانجل mr.kalied وادري ازعجتكم بس وش اسوي عليمي:D
بس ما قلتي سوق الحمام ماله فروع

جميع الأوقات بتوقيت GMT +3. الساعة الآن 08:38 AM.

الصفحة 1 من 2

عرض 40 مشاركات من هذا الموضوع لكل صفحة