منتديات تو زوو - || الـ Burmese Python فيها عله ؟!

منتديات تو زوو (http://www.2zoo.com/vb/index.php)

- سؤال و جواب لقسم هواة الزواحف (http://www.2zoo.com/vb/forumdisplay.php?f=60)

- - || الـ Burmese Python فيها عله ؟! (http://www.2zoo.com/vb/showthread.php?t=179095)

|| الـ Burmese Python فيها عله ؟!

السلام عليكم

توني ماخذ بورمس بايثون تقريباً قبل 4 ايام

ملاحظ عليها كم شغله ~

المهم اول يوم ماخذها اساساً كانت تبدل اليلد فخليتها ~

التدفئه + الرطوبه + الحوض كل شي مناسب لها عالعموم نطرت اليوم الثاني الا مبدله اليلد كله المهم سبحتها و رجعتها حوضها و بليل قطيتلها هامستر و الحمدلله كلته بس بعد ما وديت الهامستر عند راسها شمته بعدين أشتغل السنسر :D و تروح و تطالعه و تقعدلي مثل البول بايثون :confused: المهم انها كلته بالنهايه :D ، المهم !

الحين اهي تقريبا 80 سانتي

بس ملاحظ حركتها بطيئه ؟!
و في حتى مشيتها مو مثل البورمس يعني تنزل راسها و تزحف
و بعدين تحك حلجها بالقاع يعني جنها بتدخل بالأرض :confused:

+ ما أشوفها نشيطه مثل ما المفروض تكون ؟!
على الي أعرفه البورمس حركيه وايد ، عندي نايمه تحت الدفايه
و ما أحسها قويه يعني جني ماسك حبل مو حيه ! ما تشد يعني :confused:

ولا لأنها صغيره ؟ :D
مع أن على الي أعرفه بالعكس الحيايه و اهم صغار يتحركون وايد
حتى عندي الرد تيل مشالله عليها مفتلته امسكها تقعد تحوس :D

أما هاذي تقعدلي و تتمشى عالخفيف و ما يهمها شي امسح على
راسها ما تخاف بعد مثل الباقي الي عندي :confused:

أتوقع يمكن لأنها توها مخلصه تبديل اليلد بعدين عطيته هامستر شكبره
و الحين تريح مثلا ؟ ولا انتو عندكم نفس الشي تكبر بعدين تصير حركيه ؟

.

.