منتديات تو زوو - علم طيرك السلام باليمين بعشر خطوات فقط

منتديات تو زوو (http://www.2zoo.com/vb/index.php)

- قسم هواة الببغاوات (http://www.2zoo.com/vb/forumdisplay.php?f=31)

- - علم طيرك السلام باليمين بعشر خطوات فقط (http://www.2zoo.com/vb/showthread.php?t=171982)

علم طيرك السلام باليمين بعشر خطوات فقط

بسم الله الرحمن الرحيم
أخواني الكرام مثل ما وعدتكم بخطوات التدريب نبدأ بأول شي على بركة الله

تعليم الببغاء السلام باليمين بعشر خطوات ...
نبدأ بالخطوات :
1- جيب فول سوداني أو على حسب طيرك وش يحب أحب شي عنده

2- جوع الطير 4 ساعات

3- جيب ستاند أو أي شي بشرط ما يكون فيه ملهيات ووقف الطير أمامك ( مقابلك )

4- جيب الفول السوداني وأكسر الحبة إلى نصفين وخلي الطير يشوفك بتلاحظ الطير صار يصفر أو يسوي أي شي يبغاك تعطيه

5- طيب الحين قول بصوت واضح وعالي السلام عليكم ومد يدك للطير الطير راح يطلع على يدك يحسبك بتشيله لاكن خليه يطلع اليمين واليسار خليها على الستاند
ورجله اليمين أمسكها بأصبعك وارفعها ونزلها كانك تصافح واحد وبعدين فكها راح تلاحظ الطير مستغرب وقد يعضك عضه بسيطه لاكن ما عليك

6- الحين عطه نصف فول سوداني وخليه ياكل وخلي النصف الثاني في يدك

7- وبعدين عيد الطريقه عدة مرات مع الطير مع ملاحظة إذا الطير طفش أو ما عاد يبغى رجعه للقفص ولازم يكون فيه اكل في القفص غير الفول السوداني

8- بعد عدة محاولات أو عدة ايام رح تلاحظ أن أول ما تقول له سلام عليكم يرفع رجله
ملاحظة إذا الطير رفع رجله اليسار لا تمسكها وروح أمسح أو حك رجله اليمين ورح تلاحظ انه رفعها

9- بعدين يمكن أنك تلاحظ أن أي شي تقوله للطير رفع رجله ما يفرق بين السلام وأي شي ثاني
الحل :أقعد سولف مع الطير بنفس نبرة الصوت ونفس درجة الصوت وبعدين وقف السواليف وقول السلام عليكم وبعدين أرجع سولف وبعدين وقف السواليف وقول السلام عليكم بعد فترة راح تلاحظ الطير بدأ يفرق بين الكلام العادي والسلام

10- بعد كذا حاول تجيب أي أحد من أهلك وخليه يقول السلام عليكم راح تلاحظ الطير ما يرفع رجله لاكن قول أنت السلام عليكم وخلي الي معاك يسلم عليه ومع المحاولات راح يستجيب الطير لأي أحد

وهذا فيديو لـ noor وهو يسلم