![]() |
شريت كلب
السلام عليكم ورحمه الله وبركاته
اخواني انا شريت كلب ووافق ابوي بعد عناء اني اجيبه البيت بعدين قالي ابوديه المزرعه والكلب كلب دلع (زينه) دلووووع مره وينابح ما ادري وشلون اسكته ٢٤ ساعه ينابح ما يسكت الا الظهر و ابوي يقول ابحطه في المزرعه وعندي كلاب متوحشه هناك تاكل اي شي الا العامل واخوي توقعون يذبحونه |
رد: شريت كلب
الله يهديك كيف تنقل كلب زينه الى المزرعه وتحطه عند كلاب كبيره الحجم يعني انته ناوي على شنو بارك الله فيك اخوي يا اما تتفاهم مع الوالد الله يحفظه وتقنعه يا اما ترجع الكلب الى مكانه السابق تربيه الكلاب تحتاج الى راعيه صحيحه يالغالي وبعدين في طرق كثيره عشان يسكت الكلب العاب + وسائل تدريب + اعطائه وقته الكافي ولكن تبقى الغريزه موجوده ( نباح الكلاب) بس تقدر تلفت انتباهه بأي شي آخر تحياتي |
رد: شريت كلب
زي وش يلهيه انا اقعد معه ساعه ونص تقريبا كل يوم ولعبه ومشيه بس اليل ما يسكت
ابحاول ما يروح المزرعه |
رد: شريت كلب
طيب الكلب وين ينام بالليل وهل يوجد له مكان مخصص وهل توجد اضائه فالمكان ومتى آخر وجبه له فالليل ومتى آخر خروج له لقضاء حاجته ليلاً وماهي الألعاب التي تكون معاه جاوبني عشان نقدر نعطيك حل |
رد: شريت كلب
نا في الحوش
فيه كبس مسلط على منطقته ما عنده العاب مب مخصص له بس انا حاطه عند تراب ورابطه عشان يتعود بعدين بفكه يقضي حاجته بمكانه اخر وجبه الساعه ٩ او ٨:٣٠ وبل اجازه ١٠ او ١٢ |
رد: شريت كلب
اخي الكريم كلب زينه وفالرمل ومربوط وفالحوش :wao: يعني كيف اقدر اجاوبك مادام هذي طريقه تربيتك له :mad: بارك الله فيك كلاب الزينه لها راعايه خاصه يعني غرفه خاصه غرفه مكيفه غرفه نظيفه فيها فتحه للمجاري عزك الله غرفه فيها اضائه غرفه فيها شفاط هواء واضائه خاصه للحشرات غرفه فيها ألعاب خاصه للكلاب ورعايه واهتمام ونظافه وغيره اما انك تاركه فالحوش ورابطه هذا امر غير مقبول لهذه الكلاب لأنها كلاب حساسه يعني حراره الجو ووقت فراغ فالحوش وعدم ترتيب وماتريده المسكين ينبح اسمع طال عمرك رتب حالك مع الكلب ولا رجعه الى صاحبه اخوي عشان لاتظلم كلبك ولا تتسبب في اي كارثه له واذا تقدر توفر له كل حاجاته التي ذكريتها لك فالأعلى راح ينتهي موضوع النباح لأن من اسباب النباح عدم وجود مكان مناسب ورعايه مناسبه في مكان تواجد الكلب :o الله يعطيك الخير والله يسهل أمورك اخوووووووووي :) |
رد: شريت كلب
انا ابغا ادخله البيت بس اخاف يوصخه وتعرف الحريم شي ثاني اولهم امي
|
رد: شريت كلب
عندي خيمه في البيت مهملينها اقدر احطه فيها بس ابغا ادربه يقظي حاجته وين بس مب مكيفه فيها منقي هواء وئظائه واقدر اشري العاب
|
رد: شريت كلب
وشلون ادرب الكلب على قضاء حاجته بمكان معين قد سمعت يقولون خذ شوي من الفظلات وحط معها خل وحطها بالمكان الي تبي بعدين يتعود <<<<<صحيح ولا لا
|
رد: شريت كلب
هلا اخوي تفضل
السلام عليكم اخواني و اخواتي اليوم سوف اشرح تدريب يعاني منه الكثير من الناس و حله في منتهي البساطه ولكن يعتمد على الشخص نفسه فقط. سوف اشرحه الأن:- عندما يكون عمر الكلب يتراوح ما بين شهرين وثلاثه عوده على الأساس للتبرز في الخارج فقط الأساس لانه سوف يفعلها في مكان غيره لأنه لحد الأن لا يفهم كثيرا ولكن عندما يكون عمر الكلب 4 اشهر يجب ان يتبرز و يقضي حاجته في المكان المخصص له. الطريقه تبدأ يجب على الكلب الذي عمره يتجاوز من 7 اسابيع الي 3 اشهر وتنفع للكلاب الذين أكبر لأنهم ممكن لم يتعودوا من الصغر الطريقه انك مع الأكل اعطه حليب خالي الدسم القليل منه لكي يمشي بطنه بسرعه و اخرج معه في تفس الوقت الي المكان المطلوب للكلب التبرز فيه و الكلب في الليش و هذا ليس مهم للجرو ولكن الكبير مهم و العب معه قليلا اجعله يلحق كره انت تلقيها او اي شيئ يمشيه قليلا لكي تمشي بطنه ثم تأتي للمكان الذي تريده ان يتبرز فيه و سوف يتبرز فيه و عندما يتبرز يستحسن ان تعطيه كلمه بينك وبينه كل مره لكي تعلق في مخيلته هذه الكلمه انا اقول له ((hurry up )) و ممكن ان تنطر من 3 دقائق الي ساعه عادي تري بس اذا الكلب وقف عن التحرك وجلس معناها انه لا يريد فألعبه مره ثانيه ثم عود لنفس المكان ليقضي حاجته. و ممكن ان تقوم و تري ان الكلب قاضي حاجته في مكان غير مكانه المخصص فيجب عليك الا تضربه و لا تعاقبه إلا اذا سواها جدامك و انت معلمه جدامك قلت مو بعد مده تري هذي معلومه جدا مهمه ممكن ان تعاقبه بأن تجلبه لمكان الخطأ الذي قضا فيه حاجته و تشممه ياه و تضربه ضربه خفيفه جدا وتقول له ((no)) و السبب انه يجب ان تعاقبه في نفس اللحظه الذي عملها هي انك عندما تضربه في وقت غير الوقت الذي عملها سوف يقول الكلب في نفسه لماذا يضربني و لم افعل شيئ و طبعا في كلاب الكبيره ممكن ان تهجم عليك اذا كنت جايبه مدرب من الخارج و في اول 3 اشهر لا يعرفك و ضربته ممكن يعضك و هذي صايره بالكويت تره هههههههههه. الحين اذا شفته قاضي حاجته من زمان ماذا تفعل ؟ الذي سوف تفعله انك سوف تأخذ حاجه الكلب هههههههههه عادي ريحه ادري بس استحمل اشويه علشان تفتك هههههه و تضعها في المكان المخصص له فيها لقضاء حاجته و معاوده التدريب الأول بالضبط و لا يوجد اي فرق . و توجد طريقه تستعملها أمريكا و هي انه يوجد شيئ يرش مثل الريحا اذا عملها ترشه مكان الذي قضاه ولن يفعلها مره ثانيه ويوجد ايضا شيئ يرش على الكلب نفسه و لكن الصراحه هذي الطريقه لا تعجبني كثيرا ((لأن انا مفهومي في التدريب كله اذا الكلب لن يحب الشيئ لن افعله فيجب علي ان اجعله يحب الشيئ ولا يكره ولا يخاف منه بكل ثقه نفس)) و انشاءالله تقضون على هذي المشكله لأني ادري انه الكثير يعانون منها و منهم انا الحين بادي ويا الجرو ههههههههههه تحياتي |
جميع الأوقات بتوقيت GMT +3. الساعة الآن 05:09 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو